Foto: ashyq derekkózden
Qazaq eliniń namysyn álemdik arenada qorǵap, Qazaq style-dy qalyptastyryp júrgen Jánibek Álimhanuly TAS Group kompanııalar tobynyń jetekshisi Dýlat Tastekeıge alǵys aıta otyryp, sý jańa kólikti menedjeri Berik Sultanǵa syıǵa tartty.
«Barshańyzdy kórgenime qýanyshtymyn. Sizderdiń qoldaýlaryńyzdy muhıttyń arǵy jaǵynan sezinemiz. Kóp raqmet sizderge. Dýlat aǵa, syılyǵyńyzǵa kóp raqmet. Osy sátti paıdalana otyryp ózimniń iniligimdi, qazaqylyǵymdy, baýyrlyǵymdy jasaǵym kep otyr. Biz Qazaq style-dy álem tarıhynda qaldyramyz. Sol tarıhty menimen birge qashap, jazyp júrgen - Berik Sultan. Ol meniń aǵam, menedjerim. Bul kisi bolmasa bizdiń Qazaq style tarıhy álsiz jazylýshy edi. Sondyqtan osy kisige raqmet. Temir tulpar ózińizdiki. Janqosh baýyrym jeńiske jetsin, sáttilik», dedi Jánibek Álimhanuly áleýmettik jelidegi paraqshasynda.
О́z kezeginde Berik Sultan mundaı syıdy kútpegenin jetkizdi.
«Barlyqtaryńyz qazaq sportynyń jankúıerleri ekenderińizdi bilemiz. Eki úlken belbeýdi jeńip aldyq. Aldymyzda Charlo (Djermall) bar, Kanelo (Alvares) bar. Solardy qulatýdy násip etsin», dep atap ótti ol.
