«Jańa ınvestordy mańyzdy mindetter kútip tur. Árıne, áýeli eńbek qaýipsizdigin qamtamasyz etý jáne qyzmetkerlerge jaǵdaı jasap, ál-aýqatyn arttyrý qajet. Sonymen qatar áleýmettik jobalar arqyly jergilikti qoǵamdastyqty damytýǵa belsendi qatysyp, kómek kórsetý kerek», dedi Ermaǵanbet Bólekpaev.
Jıynda Andreı Lavrentev Vadım Basındi QARMET kompanııasynyń bas dırektory retinde tanystyrdy. Investor aldaǵy ýaqytta 3 mlrd AQSh dollary kóleminde ınvestısııa quıýdy josparlap otyr. Onyń 1,3 mlrd dollary kelesi jyly salynady. Sondaı-aq ulttyq ınvestor qysqamerzim ishinde jumys barysynda ujymdyq kelisimshart pen kásiporyn jumysshylarynyń eńbekaqysyn tóleý júıesiniń saqtalýyn, óndiris ornynyń qaýipsizdigin jáne ekologııalyq ahýalyn odan ári jaqsartýdy kózdeıdi. Sondaı-aq óndiristi jańǵyrtý jáne qaıta uıymdastyrý, shyǵarylatyn ónim kólemin, nomenklatýrasyn jáne túrlerin ulǵaıtý da bar mindettemeleriniń qatarynda.
Qazaqstan Steel Group aksıoneriniń QARMETtegi resmı ókili bolyp Talǵat Temirhanov taǵaıyndaldy. Buǵan deıin О́nerkásip jáne qurylys mınıstri Qanat Sharlapaev brıfıng barysynda kásiporyndy qazaqstandyq ınvestor satyp alǵanyn málimdegen bolatyn.
– О́zderińiz bilesizder, 2023 jylǵy tamyzda Memleket basshysy Qasym Jomart Toqaev «ArselorMıttal Temirtaý» kásiporyndarynda jalǵasyp jatqan apattar kompanııanyń óz ınvestısııalyq jáne ózge de mindettemelerin eleýli buzýshylyqtarǵa ákep soqtyrǵanyn málimdegen bolatyn. Sondaı-aq Prezıdent «ArselorMıttaldyń» bizdiń naryqta budan ári jumysyn jalǵastyrýy múmkin emes ekendigine nazar aýdarǵan. Bul kezde Qazaqstan Úkimeti «ArselorMıttal Temirtaý» ıelerimen ArcelorMittal kompanııasynyń metallýrgııalyq kombınat quramynan shyǵýy týraly kelissózder júrgizip jatqan edi. Olar 2022 jyldyń 3 qarashasynda AMTnyń enshiles kásiporny – Lenın atyndaǵy shahtada bolǵan qaıǵyly apattan keıin bastaldy, – dedi Qanat Sharlapaev.
Kelissóz nátıjesinde, 2022 jylǵy 9 jeltoqsanda Qazaqstan Úkimeti men ArcelorMittal arasynda «Standstill Agreement» kelisimine qol qoıylǵan. Bul kelisim negizinde qazaqstandyq tarapqa kásiporyndy baǵalaý men aýdıt júrgizýge múmkindik berdi. Qanat Sharlapaevtyń aıtýynsha, «ArselorMıttal Temirtaý» qyzmetin taldaý jáne baǵalaý úshin halyqaralyq konsýltanttar tartylǵan. Olar kásiporynǵa quqyqtyq taldaý, qarjylyq aýdıt jáne tehnıkalyq saraptama júrgizdi.
Kelissóz barysynda ArcelorMittal Qazaqstannan 3,5 mıllıard dollar suraǵan. Biraq halyqaralyq keńesshiler esepteýleri atalǵan somaǵa sáıkes kelmedi. Eki taraptyń kelisimge birden kele almaı, úderistiń uzaqqa sozylýynyń birden-bir sebebi – osy.
– Maqsatymyz qyrýar qarajat jumsalatyn jáne uzaqqa sozylatyn halyqaralyq sot úderisterine jol bermeı, kombınatty ádil baǵamen satyp alý boldy. Sondaı-aq kelissózderdi jedel ári shuǵyl ótkizý kásiporynnyń toqtap qalýyna jol bermeý qajettiliginen týyndady. Atap aıtqanda, domna peshiniń toqtap qalýy, shahtalardy sý basý jáne taǵy da basqa jaǵdaılardy boldyrmaý mańyzdy edi, – deıdi mınıstr.
Kelisimshart boıynsha QSG «ArselorMıttal Temirtaý» aktıvterin 286 mln dollarǵa satyp alǵan. Odan bólek jyl saıyn 4 ret teń jarnamen 450 mln dollar mólsherinde keıinge qaldyrylǵan kepildi tólemdi tóleıdi. Sonymen qatar kelisim jabylǵan kezde «ArselorMıttal Temirtaýdyń» ótelmegen topishilik qaryzy retinde 250 mln dollar óteıdi.
Qanat Sharlapaev ArcelorMittal ókilderin «Qazaqstan halqyna» qaıyrymdylyq qoryn qoldaý úshin 16 mlrd teńgege (34,6 mln dollar) jarna aýdarýǵa kóndirgenin de jetkizdi. Qorǵa AMT-dan túsetin qarajat Qaraǵandy oblysy turǵyndarynyń densaýlyq saqtaý, bilim berý, mádenıet, sport salalaryndaǵy ózekti máselelerin sheshýge jáne óńirdiń áleýmettik mańyzy bar jobalaryn damytýǵa baǵyttalady. Osy somanyń 50 paıyzy Temirtaý qalasyn damytý maqsatynda qoldanylady, dedi mınıstr.
Qaraǵandy oblysy
