Tótenshe jaǵdaılar departamentiniń málimetinshe, Soltústik Qazaqstan oblysynda ótken túnde eki aýylda iri órt boldy. Aýyldyq ákimdik ǵımaraty men turǵyn úı órtenip ketti. Túngi saǵat bir shamasynda Mamlıýt qalalyq órt sóndirý bóliminiń ortalyq pýltine Voskresenovka aýylynda ákimdik ǵımaratynyń pesh jaǵatyn bólmesinen órt shyqqany týraly habarlama kelip túsken.
«Pesh jaǵatyn bólmeden shyqqan órt ákimdik ǵımaratyna tarady. О́rt sóndirildi, qazir onyń sebebin anyqtaý boıynsha tergeý júrgizilip jatyr. Boljam boıynsha, peshterdi paıdalaný kezinde órt qaýipsizdigi erejelerin buzý sebep bolǵan», - dedi oblystyq TJD basshysynyń orynbasary Dmıtrıı Rastıhın.
1950-60 jyldary salynǵan ákimdik ǵımaraty tolyǵymen aǵashtan salynǵandyqtan, birden janyp ketken. О́rt sóndirýshiler qural-jabdyqtardy evakýasııalap, kompıýterlerdi, keńse tehnıkalaryn, qujattardy syrtqa alyp shyqty. Ǵımaratta ákimdikten bólek poshta bólimshesi bolǵan. Shamamen 80 sharshy metr aýmaq órtengen.
Sonymen qatar sol túni Shal aqyn aýdany, Semıpolka aýylynda da órt boldy. О́rt sóndirýshiler kelgen kezde ishten kiltpen jabylǵan úıdi tolyǵymen órt sharpyǵan. Kórshilerdiń aıtýynsha, úıde er adam men áıel bolǵan.
«Saǵat 9:30-da órt sóndirildi, oqıǵa ornynda tekserý jumystary júrgizilýde. Qazir bir adamnyń súıegi tabyldy, izdeý jumystary jalǵasyp jatyr», - dedi TJD ókli.
