BILIM BERÝ ISI BILIKTILIKTI QALAIDY

Keshe Premer-Mınıstr Kárim Másimovtiń tóraǵalyǵymen Qazaqstanda bilim berýdi damytýdyń 2011-2020 jyldarǵa arnalǵan memlekettik baǵ­dar­lamasyn talqylaý boıynsha keńes ótti. Basqosýda Bilim jáne ǵylym mınıstri Janseıit Túımebaev mem­le­kettik baǵdarlamanyń joba­syn jan-jaqty túsindire kele, onyń maq­saty ekonomıkanyń jáne azamat­tardyń ál-aýqatynyń turaqty damýyn qamtamasyz etetin bilim berý júıesiniń básekege qa­bilettiligin arttyrý, adamı kapı­tal­dy damytý úshin ony túbegeıli jańǵyrtý bolyp tabylatyndyǵyn aıtty. Jıynǵa qatysqan Sh.Ýálı­ha­nov atyndaǵy Kókshetaý memle­ket­tik ýnıversıtetiniń rektory Shá­kir Ybyraev Úkimet basshysynyń qa­ty­sýymen talqyǵa túsken bul joba sa­pa­ny kóterýge, joo-nyń óz erekshe­likterimen damýyna múm­kin­dik beretin qujat ekendigin jáne atalǵan baǵdarlama memle­ketimizdiń negizgi qujattarynyń biri bolatyndyǵyna senimdi ekendigin aıtsa, Qazaqstan Jastar kongresiniń atqarýshy dırektory Nurlan Sydyqov bilim men tárbıeniń qatar júretinin, joo-da tárbıe jónindegi mamandardyń az ekendigin, atalǵan baǵdarlama jas­tar tárbıesine de óz paıdasyn tı­gizedi degen úmitte ekendigin jetkizdi. Memlekettik baǵdarlama sheń­be­rinde pedagog mártebesin kóterý, shaǵyn jıyntyqty mektepterdiń damý strategııasyn júzege asyrý, “e- learning” elektrondy oqytý men jan basyna shaqqandaǵy qar­jylan­dyrý­dy (vaýcherlik) engizý, bilim berýdi basqarý júıesin jurt­shylyqty tartý arqyly jetildirý sııaqty kóptegen máselelerdi sheshý josparlanǵan. Pedagog mártebesin kóterý úshin pedagogıkalyq qyzmetkerler eńbegin memlekettik qoldaý men yntalan­dy­rý­dy arttyrý qolǵa alynbaq. Osy­laı­sha 2016 jyly jan basyna shaqqandaǵy qarjy­landyrý arqyly muǵalimderdiń jet­pis paıyzy bilik­tiligin art­tyr­maqshy. Bul óz keze­ginde kásibı sheberlik deńgeıi boı­ynsha peda­gogke qoıylatyn talap­tardy joǵarylatpaq. Pedagogtardy daıarlaý jáne olardyń biliktiligin arttyrý sapasyn qamtamasyz etýdi baqylaý úshin elimizdiń barlyq aı­maqtarynda táýelsiz attestasııalyq agenttikter qurylady. Sondaı-aq elimizdiń bilim berý mekemelerinde “e- learning” elektrondy oqytý júıe­si engizilip, 2010-2015 jyldar aralyǵyn­da ár pedagog AKT qol­daný boıynsha biliktiligin arttyrý kýrsynan ótpek. 2020 jylǵa qaraı aýyldyq jáne qalalyq jerlerde balabaqsha tap­shylyǵy tolyǵymen sheshimin taba­dy. Bul maqsatty júzege asy­rý úshin mektepke deıingi uıym­dardyń ba­lamaly – jeke menshik, otbasylyq, vedomstvolyq, mem­lekettik jelisin damytý kózdelip otyr. Osy baǵytta basym mindet “Balapan” memlekettik baǵdar­lama­syna artylýda. Oǵan qosa, oqý baǵdarlamalary jańar­tylyp, oqý ádistemelik keshender ázir­lenbek. Otyrysty qortyndylaı kele Úkimet basshysy baǵdarlama joba­synyń jaqsy ekenin, elimizdiń árbir azamaty bul baǵdarlamany talqylaýǵa qatysýy kerektigin atady. Sondaı-aq ol Qazaqstandaǵy bilim berýdi da­mytýdyń 2011-2020 jyldarǵa arnal­ǵan memlekettik baǵdarlamasyn eki aıdyń ishinde pysyqtaýdy tapsyrdy. Ábdirahman QYDYRBEK.