Foto: Peter Dazeley
«Qazaqstan» arnasy habarlaǵandaı, keıingi 3 jylda 133 kásibı sportshynyń qanynan tyıym salynǵan preparat tabylǵan.
Vedomstvo basshysynyń paıymynsha, buǵan qazaq sportynda farmakologııa salasynyń damymaı jatqany sebep bolyp otyr. Sondyqtan bul máseleni zań aıasynda rettep, júıeli jumystar atqarý qajet.
«Elimiz boıynsha eki joǵary oqý ornynda ǵana jylyna 45-aq stýdentti sport salasyndaǵy medısına mamany retinde daıyndap shyǵarady. Osy olqylyqtyń ornyn toltyrý maqsatynda Densaýlyq saqtaý mınıstrligimen birlese otyryp, sport salasyna beıimdelgen psıholog, farmakolog, nýtrısıolog sııaqty salalyq mamandardy daıyndaıtyn fakýltet ashý nıetimiz bar», dedi Ermek Marjyqpaev Ortalyq kommýnıkasııalar ortalyǵynda ótken brıfıng barysynda.
Aıa ketsek, qazir el ordasy Astanada Ulttyq sport ýnıversıteti salynyp jatyr. Jalpy, Qazaqstan boıynsha aldaǵy eki jylda 113 sport nysany boı kóterip, 26-sy jóndeýden ótedi dep josparlanyp otyr.
