Foto: Vıdeoskrın
Depýtattyń aıtýynsha, ótken jylytý maýsymyndaǵy apattardy eskere otyryp, partııa byltyr 30 qarashada jáne 21 jeltoqsanda, sondaı-aq, bıyl 18 qańtarda Úkimetke apattardyń saldaryn joıyp, bolashaqta qaıtalanbaýynyń aldyn alý máselelerin kóterip depýtattyq saýal joldaǵan. Odan bólek, jańa maýsymǵa daıyndyq kezeńinde bıyl 15 mamyrda, 14 maýsymda, 4 qazanda joldaǵan saýaldarynda da atalǵan máseleni taǵy kótergen.
«Memlekettik organdardyń saýaldaryna bergen jaýaptary kóńilge qonymdy bolǵanymen, ókinishke qaraı, endi ǵana bastalǵan aıaz kóterińki kóńildi sý sepkendeı basty. Endi, mine, búkil el jylý berý maýsymyn úreılene bastan ótkerip otyr. Qazirgi jaǵdaıda bıylǵy maýsymdaǵy oqıǵalardyń qalaı órbıtinin boljaý qıyn ekenin túsinemiz. Úkimette jylý-energetıka salasyndaǵy qordalanyp qalǵan máselelerdi keshendi túrde sheshýdiń uzaq merzimdi josparlary bar ma? Bar bolsa josparlardyń qandaı ekenin habarlaýdy suraımyz. «Aq jol» fraksııasynyń buǵan deıingi saýaldarynda da bul suraq dál osylaı qoıylǵan edi, endi belgili bolǵandaı, sol saýaldarymyzǵa senimsiz jaýaptar alyp kelippiz», dedi depýtat Erlan Barlybaev.
