Kópsalaly óndiris kesheniniń quramyna medısına jáne keńse jıhazdaryn, medısınalyq jabdyqtar, modýldi qurylystar men metall konstrýksııalaryn, terezeler men vıtrajdar shyǵaratyn bes kásiporyn kiredi.
Atalǵan bes kásiporyn ózara tyǵyz baılanysty, sol arqyly ortaq jobany júzege asyrýǵa birlese atsalysady. Bul – keshenniń ózindik ereksheligi Al óndiriletin ónimder ımportty almastyrady. Taýarlardyń quny da, sapasy da sheteldik balamalarynan kem túspeıdi.
Qasym-Jomart Toqaev kompanııanyń óndiris sehtary men ónim túrleri qoıylǵan shoýrýmdy aralap kórdi.
Joba ınvestory, túrkııalyq YDA Group kompanııasy dırektorlar keńesiniń tóraǵasy Hýsseın Arslannyń aıtýynsha, birikken óndiris alańy jeke ınvestısııa (30%) men qaryz qarajaty (70%) esebinen 2021-2022 jyldary iske qosylǵan. Jalpy quny 22 mıllıard teńge bolatyn joba aıasynda 300 adam jumyspen qamtylǵan.
