Foto: ashyq derekkóz
Arman Shaqqalıev atap ótkendeı, ótken aptada áleýmettik mańyzy bar azyq-túlik taýarlarynyń baǵa ındeksinde ózgeris baıqalmady.
«Qazaqstanda baǵa monıtorıngin Ulttyq statıstıka bıýrosy júrgizedi, biz bul derekterdi únemi qoldanamyz. Keıingi málimetterdi aıtaıyn. О́tken aptada áleýmettik mańyzy bar azyq-túlik taýarlarynyń baǵa ındeksi ózgerissiz boldy. Onda 19 pozısııa bar ekenin eske sala keteıin. Jaı ǵana ózgeris joq. Jańa jyldyq qorjynǵa qatysty dastarhannyń baǵa ındeksine saı belgili bir boljam bar. Biz shartty túrde 37-ge jýyq taýardy aldyq. Keıbir pozısııada belgili bir ózgeris bar. Mysaly, jumsaq qaptamadaǵy sút, mandarın, shampan sııaqty», dedi mınıstr.
Osy tusta mınıstr keı azyq-túliktiń qymbattap ketý sebebin túsindirip berdi.
«Qazir shamamen 10,3% jyldyq ınflıasııamyz bar. Jańa jyldyq qorjyn úshin ol shamamen 10-10,7% bolady. Iá, ózgerister bar. Bárimiz Jańa jylda úlken dastarhan jaıyp, dúrkiretip toılaımyz. Bul - maýsymdyq kezeń. Onyń ishinde mereke qarsańynda baǵanyń óskeni baıqalady. Degenmen onyń ındekster sheginde belgili bir máni bar», dep túsindirdi Saýda mınıstri.
