Foto: https://www.iba.sport/
Ońtústik Afrıka eliniń boksshysy Jabýlanı Makhensımen aıqasqa túsken jerlesimizdiń jeńisine úsh tóreshi de shúbá keltirgen joq.
Danııar rıngke eki jyldyq úzilisten keıin oralyp otyr. Ol 2016 jyly Rıo jazǵy Olımpıada oıyndarynda 69 keli salmaqta top jaryp, altyn medal enshiledi.
2017 jyldyń qańtar aıynda kásipqoı boksqa aýysty.
Qazaq eliniń boksshylary jazǵy Olımpıada oıyndarynda eki márte chempıon atanýǵa áleýeti jete me degen saýal jıi kóteriledi. Ázirge ondaı múmkindik osy Danııardyń ýysynda ǵana. Túpkilikti sheshim qabyldap, áýesqoı boksqa qaıta oralsa, qyr astyndaǵy Parıj jazǵy Olımpıadasyna qatysýdyń oraıy da týyp tur. Bir emes, eki ret lısenzııalyq týrnır ótedi. Joldama oljalasa, joly túsýi bek múmkin. Biraq Eleýsinov asa yqylas tanytyp otyrǵan joq.
Al О́zbekstan sportynyń tarıhynda bokstan eki dúrkin Olımpıada chempıony atanýǵa eki boksshysy zar kúıinde jarap tur. 51 kelide Rıo Olımpıadasynyń chempıony Hasanboı Dýsmatov júr. Bul boksshy da kásipqoı bokstyń aýylyn kórgen sańlaq. Asa aýyr salmaqta Bahadúr Jalolov Tokıo jazǵy Olımpıadasynda ózbek jurtyna altyn medal tartý etti. Osy eki sańlaq ta Parıj jazǵy Olımpıadasyna joldama enshilep, alańsyz ázirlik júrgizip jatyr.
