Bilektiler básekesi

Ashylý saltanatynda Qor­ǵanys mı­nıs­triniń oryn­ba­sa­ry, general-leıtenant Sultan Kamaletdınov pen Keńes Oda­ǵy­nyń baty­ry, Ha­lyq qahar­many, avıasııa general-maıory Toqtar Áýbá­kirov sportshylarǵa aq jol tiledi. «Dostastyq el­deri áskerı qyzmetshileriniń qa­tysýymen ótetin jarystar olarǵa ózderin barynsha synaýǵa jáne jaýyngerlik qabiletterin kórsetýge molynan múmkindik beredi. Áskerıler ózderiniń kúshtiligin tek osyndaı jarystarda ǵana kórsetsin. Eshbir elde qarýly qaqtyǵys, soǵys bol­masyn», dedi Halyq qahar­many.

Qorǵanys mınıstrliginiń Sport komıteti – Ortalyq sport klýby uıymdastyrǵan jarysqa Belarýs, Qazaqstan, Reseı jáne О́zbekstannan kelgen 180-nen asa sportshy qatysty. Erler segiz salmaq dárejesinde, áıelder úsh salmaq dárejesinde kúsh synas­ty.

Eki kúnge sozylǵan týrnır­diń jeńimpaz­dary men júlde­ger­lerin marapattaý is-shara­sy­na Qorǵanys mınıstri, general-polkovnık Rýslan Jaqsy­lyqov qatysyp, óz sózinde Memleket basshysy Qasym-Jomart Toqaev ult densaýlyǵyn nyǵaıtý men halyq arasynda buqa­ra­lyq sportty damytý má­sele­lerine kóp kó­ńil bóletinin atap ótti. Ol Ha­lyqaralyq qoıan-qoltyq jekpe-jek federa­sııa­s­ynyń prezıdenti Sergeı Asta­hovqa sporttyń osy túrin nası­hattaǵany úshin alǵy­syn bil­dirip, sportshylardy baı­­raq­ty básekeniń aıaq­talýymen quttyqtady.

– Qoıan-qoltyq urys – elimiz­degi barlyq kúshtik qu­rylym úshin mańyzǵa ıe sport túri. Qarýly kúshterde áskerı qyz­met­shilerdiń dene shynyqtyrý baǵdarlamasy pánderiniń biri. Bul áskerı qyzmetshilerdi shy­nyq­tyryp, myqty ári tózimdi etetin jekpe-jek túri, – dep atap ótti mınıstr.

Halyqaralyq qoıan-qoltyq urys federa­sııa­synyń prezı­denti Sergeı Astahov mı­nıstr­lik basshylyǵyna is-sharany jaqsy uıym­dastyrǵany úshin alǵysyn bildirdi.

TMD-ǵa múshe memleketter dostyq armııalary chempıona­tynyń qorytyndysy boıynsha komandalyq esepte Qazaqstan quramasy jeńiske jetti. Ekin­shi oryndy Reseı komandasy enshilese, ózbekstandyq sportshylar úshinshi orynǵa ıe boldy. Jeke birinshilikte 55 kelige deıingi salmaqta serjant Aıdyn Nurıdınov (Qazaqstan), 60 kelige deıingi salmaqta maıor Aman Shákirtov (Qazaqstan), 65 kelige deıingi salmaqta aǵa leıtenant Jánibek Sábıt (Qazaqstan), 70 kelige deıingi salmaqta serjant Andreı Lıashenko (Reseı), 75 kelige deıingi salmaqta serjant Olımjon Nomýrodov (О́z­bek­stan), 80 kelige deıingi sal­maqta kýrsant Temirhan Ha­sa­nov (Reseı), 85 kelige deıin­gi salmaqta serjant Azamat Asyl­bek­uly (Qazaqstan), 85 keliden joǵary salmaqta leıtenant Rýslan Gabaraev (Reseı) chempıon atandy.

Sonymen birge reseılik sport­­shy Rýslan Gabaraevqa «Úzdik tehnıka» atalymy berildi. Al «Jeńiske degen jigeri úshin» atalymyna ózbek sportshysy serjant Shohrýz Sharıfov ıe boldy. Ádil tórelik jasaǵany jáne sporttyq qaǵıdattardy múltiksiz oryndaǵany úshin jarys tóreshisi, Qorǵanys mı­nıstrligi Ortalyq sport klý­by sporttyq is-sharalardy uıym­das­tyrý bóliminiń ofıseri, aǵa leıtenant Nurbol Saıabaev gramotamen marapattaldy.