Kollaj: Aikyn.kz
«Qoǵam» eriktiler otrıady usynǵan aqparatqa sáıkes, 64 jastaǵy er adam 14 jeltoqsanda Almatyda joǵalyp ketken.
«Nazar aýdaryńyz! Nurqazov Serik, 04.10.1959 – týǵan kúni. 14.12.2023 kúni Lýgansk kóshesindegi óz úıinen belgisiz baǵytta shyǵyp ketip, onyń qaıda ekeni qazirge deıin belgisiz. Kıimi: sur tústi qalpaq, kók tústi kúrte, aq tústi jeıde, qara tústi djınsy shalbar. Erekshelikteri: shashy – aq tústi, saqaly bar. Joǵalǵan adam týraly qandaı da bir málimet biletin adamdar myna nómirge habarlassa dep ótinemiz: +7 702 712 79 22 nemese @kogam_almaty», delingen habarlamada.
Aıta ketsek, Serik Tókenuly Nurqazov Qaraǵandy oblysynda týǵan.
Bokstan KSRO eńbek sińirgen sport sheberi. 1983 jyly Rımde ótken Álem kýbogynyń kúmis júldegeri. 1981 jyly Tamperada ótken Eýropa chempıonatynyń qola júldegeri. 1983 jyly Varnada ótken Eýropa chempıony. KSRO-nyń birneshe dúrkin chempıony.
Almaty qalalyq PB ókilderi qazirgi ýaqytta Medeý aýdanynyń polısııa basqarmasy osy fakt boıynsha izdestirý isin júrgizip jatqanyn habarlady.
