Foto: Turizm jane sport ministrligi
Sala mınıstri Ermek Marjyqpaev el sporty úshin bıyl sátti jyl bolǵanyna jáne jerlesterimizdiń jarqyn jeńisterge qol jetkizgenine erekshe toqtalyp, úzdik retinde tanylǵandardy quttyqtady.
«Ulttyq qurama sportshylary jyl basynan beri 1 400 halyqaralyq jarysqa qatysyp, 864 medal jeńip aldy. Onyń ishinde 291 altyn, 262 kúmis, 311 qola. Álem chempıonattarynda 68 altyn medal, Azııa jarystarynda 47 altyn júlde, Azııa oıyndarynda 10 altyn oljalady. Memleket basshysy el táýelsizdigi tarıhynda alǵash ret Azııa oıyndarynyń júldegerlerin qabyldap, marapattaǵanyn erekshe atap ótkim keledi», dedi Ermek Marjyqpaev.
Jyl qorytyndysynda 18 atalym boıynsha «Úzdik» dep tanylǵandar:
Nurken Rahmanqul – «Jyldyń úzdik aýyl jattyqtyrýshysy»;
Kenjeǵalı Bekqulov – «Aýyldyq jerdegi úzdik dene shynyqtyrý jáne sport ádiskeri»;
Raýan Qazezov – «Aýyldyq jerdegi úzdik dene shynyqtyrý jáne sport nusqaýshysy»;
Buqar jyraý aýdanynyń dene shynyqtyrý jáne sport bólimi – «Aýdandyq úzdik dene shynyqtyrý jáne sport bólimi»;
Ishar Kýrbaev – «Jas jáne jasósipirimder quramyndaǵy sportshy»;
Vıktorııa Volkova – «Jyldyń úzdik balalar jattyqtyrýshysy»;
Natalıa Sýhacheva – «Dene shynyqtyrý jáne sport salasyndaǵy úzdik maman»;
Berik Qonysbekov – «Úzdik sport dárigeri»;
Móldir Jańbyrbaı, Mılad Karımı, Rýslan Qurbanov – «Jyldyń úzdik nátıjeleri»;
Qazaqstandyq sporttyq atý federasııasy – «Jyldyń úzdik akkredıttelgen sport federasııasy»;
Tımýr Týrlov – «Jyldyń úzdik akkredıttelgen sport federasııasynyń prezıdenti»;
Ádilet Bármenqulov – «Jyldyń úzdik sport menedjeri»;
Múmkindigi shekteýli adamdarǵa arnalǵan Úmit sport klýby – «Jyldyń úzdik sport uıymy»;
Almaty qalasy – «Úzdik sporttyq óńir»;
Sergeı Shabalın (Rýslan Qurbanovtyń jattyqtyrýshysy) – «Jyldyń úzdik jattyqtyrýshysy»;
Rızabek Aıtmuhan – «Sporttaǵy úzdik serpin»;
Mahmud Sabyrhan, Erbol Hamıtov – «Jyldyń úzdik sportshysy»;
Samat Qanaǵatov, Jandos Busurmanov, Erbol Qaıyrov – «Úzdik sport jýrnalısi».
