Zańnamalyq túzetýler boıynsha Qarjy jáne bıýdjet komıtetiniń tóraǵasy Mádı Tákıev baıandama jasady. Ol zań jobasyn ázirleý kezinde depýtattar negizgi jeti baǵytty qamtyǵanyn atap ótti.
Birinshisi – qaryz alýshy nesıeleriniń ósýine jol bermeý.
«Problemalyq nesıeleri bar azamattardyń boryshtyq júktemesiniń artýyna jol bermeý úshin, birinshiden, nesıeler merzimi 90 kúnnen asatyn bolsa, kepilsiz tutynýshylyq nesıeler berýge tyıym salý usynylyp otyr. Ekinshiden, merzimi 90 kúnnen asqan bereshegi bar tulǵalarǵa qaryzdary boıynsha ústeme esepteýge tyıym salý. О́ıtkeni mundaı azamattar qıyn ómirlik jaǵdaıǵa tap bolǵandyqtan qaryzdy qaıtara almaıdy», dedi M.Takıev.
Sonymen qatar kámeletke tolmaǵan balalary bar otbasylardy jylytý maýsymynda baspanasynan shyǵarýǵa tyıym salynbaq. Sondaı-aq bank ombýdsmenine azamattardyń barlyq (tek ıpotekalyq emes) nesıesi boıynsha daýlardy sheshýdi mindetteý usynylady, bul rette onyń sheshimderi bankter, mıkroqarjy uıymdary men kollektorlar úshin mindetti bolady.
Zań jobasynda azamattardyń nesıeler boıynsha bankrottyq rásimine qol jetkizýin jeńildetý, sondaı-aq alaıaqtyqty azaıtý da qamtylǵan. Sondaı-aq Memleket basshysynyń bankterdegi stresti aktıvter deńgeıin tómendetý, bıznesti nesıelendirý qoljetimdiligin, onyń ishinde birlesken jáne sındıkattalǵan nesıeleý tetikterin paıdalaný arqyly keńeıtý jónindegi tapsyrmalaryn iske asyrýǵa baǵyttalǵan bólimder de bar.
