2023 jyly uıaly baılanys operatorlarynyń tarıftik josparlary boıynsha baǵanyń 7,7%-dan 57,3%-ǵa deıin aıtarlyqtaı ósýi tirkelgeni anyqtaldy. Osylaısha, 2023 jyldyń mamyr-shilde aılary aralyǵynda ǵana uıaly baılanys operatorlary ózderiniń resmı saıttarynda aqparatty jarııalap, aı saıynǵy abonenttik tólemmen 30-dan astam tarıftik josparda kórsetiletin qyzmetterdiń qunyn birinen soń biri kótergen.
«Osyǵan baılanysty, Kásipkerlik kodekstiń 199-babynyń 3-tarmaǵyn eskere otyryp, bir kúntizbelik jylda básekelestikke qarsy kelisilgen is-áreketterdiń belgilerin qaıta anyqtalýyna baılanysty Agenttik Kásipkerlik kodekstiń 170-baby boıynsha qazir «Ksell» AQ, «MT–S» JShS (Tele2/Altel) jáne «Kar-Tel» JShS (Beeline) uıaly operatorlaryna qatysty tergep-tekserýdi bastady», delingen agenttik habarlamasynda.
Sonymen qatar buǵan deıin agenttik uıaly baılanys operatorlarynyń bir mınýt sóılesýlerdegi qońyraýlardyń qunyn jáne tarıftik josparlardaǵy bir SMS-ti belgileý jónindegi áreketterinde básekelestikke qarsy kelisilgen is-qımyldardyń belgilerin (Kásipkerlik kodekstiń 170-baby) anyqtaǵan edi.
«Osyǵan baılanysty uıaly baılanys operatorlaryna baǵany negizdi tómendetý jolymen anyqtalǵan belgilerdiń toqtatylǵany týraly habarlama jiberildi. Uıaly operatorlar habarlamany belgilengen merzimde oryndamaǵan jaǵdaıda agenttik tergep-tekserý júrgizý týraly da sheshim shyǵarady», dep qosty agenttik.
