«Bıyl qys jyly bolatynyn sınoptıkter aldyn-ala boljaǵan, alaıda, aýa raıyn eshkim eskermegen syńaıly, qazirgi kórinis – qomaqty qarjyny qaıtkende de ıgerýdiń jantalasyna uqsaıdy», deıdi turǵyndar. Halyq sheneýnikterdiń áreketin naǵyz ysyrap dep otyr.
Pavlodar qalasy ákiminiń orynbasary Svetlana Gladysheva bıiktigi 30 metr sáýkele pishindes shyrsha qoıyp, qalany bezendirýge ulttyq reń beremiz dep otyr. Al qoǵam qaıratkeri Ertaı Máshhúr Júsipov buny bıýdjet qarjysyn ońdy-soldy shashý deıdi.
«Jalpy, qazaq shyrsha, tal, qaıyń, emen, bárine birdeı qaraıdy. Bul bizdiń ulttyq dástúrimiz de, naqyshymyz da emes. Sáýkele ıakı naıza qyla ma, qazaqta joq nárseni oılap tabý XXI ǵasyrda uıat tirlik. Bul bekerge aqshany rásýá qylyp shashý», deıdi qoǵam qaıratkeri Ertaı Máshhúr Júsipov.
Halyqtyń synynan keıin sybaılas jemqorlyqqa qarsy qyzmet Jańa jylǵa bólingen qarjyny ıgerý boıynsha tekseristi bastady.
