Jylyjaılardy memlekettik qoldaý aýyl sharýashylyǵy mınıstrliginiń О́simdik sharýashylyǵyn sýbsıdııalaý erejelerine tolyqtyrýlar engizilgennen keıin júzege asty. Osyǵan uqsas norma jylyjaı kókónister óndirisin qoldaý maqsatynda alǵash ret 2023 jyly engizildi. Jylyjaı ıeleri sýbsıdııany alý úshin óndiris tehnologııalaryna sáıkestik sertıfıkaty (esebiniń) bolýy kerek.
Ulttyq standartty QR SIM Tehnıkalyq retteý jáne metrologııa komıteti, aýyl sharýashylyǵy mınıstrligi men bıznes ókilderi birlesip ázirledi. Jańa norma 2023 jyldyń 1 mamyrynan bastap kúshine endi.
2023 jyldyń 25 jeltoqsandaǵy málimet boıynsha 814 jylyjaı ulttyq standartqa sáıkestik sertıfıkatyn aldy, taǵy 825 ótinim qarastyrylyp jatyr.
Búginde Túrkistan oblysy men Shymkentte qalasy jylyjaı sharýa qojalyqtarynyń ıelerine sýbsıdııa tóleý bastaldy. Jeltoqsan aıynda jylyjaılarda kókónis daqyldaryn egý bastalady. Al, sýbsıdııa mólsherlemeleri Erejege sáıkes kóshetterdiń óngen kólemine qaraı tólenedi (1 sharshy metrge belgilengen kóshetterdiń keminde 95%-y). Túrkistan oblysynda jylyjaı fermerlerine jalpy kólemi 565 mln teńge, Shymkent qalasyndaǵy jylyjaılar úshin 341,9 mln teńge tólenbek. Qazir Túrkistan oblysynda 112 sýbsıdııa alatyn 106-sy sharýa qojalyqtardyń jylyjaıy, 6-y ónerkásiptik jylyjaı bar.
Sonymen qatar Aýyl sharýashylyǵy mınıstrligi jylyjaı sharýashylyǵyn ınvestısııalyq qoldaý sheńberinde jylyjaı keshenderin salý jáne keńeıtýge beriletin sýbsıdııa kólemin 25%-dan 30%-ǵa deıin arttyrý týraly sheshim qabyldaǵan edi. Bul norma 2023 jylǵy 10 jeltoqsanda kúshine endi.
