Úkimet basshysy telearna tilshilerine bergen suhbatynda buǵan deıin ınfraqurylymdy jańǵyrtý máselelerine jetkilikti kóńil bólinbegenin aıtty.
«Birneshe jyldan beri tarıfter jasandy túrde tejeldi, ıaǵnı kóterilmedi. Jylý, energııa, sýmen qamtamasyz etý jáne sý burý jelilerin jańǵyrtýǵa jáne kúrdeli jóndeýge qarajat salynǵan joq. Infraqurylym ábden tozǵan, tipti keı jerlerde jaǵdaı óte qıyn boldy. Sondyqtan bıyl ınfraqurylymdy jańartý jáne jóndeý boıynsha buryn-sońdy bolmaǵan sharalar qabyldadyq. Mundaı jumysty bir jyldyń ishinde jasaý múmkin emes. Jumys turaqty negizde júrýi kerek. Ol úshin biz arnaıy «Tarıfti ınvestısııaǵa aıyrbastaý» baǵdarlamasyn qabyldadyq. Tozýdy normatıvtik deńgeıge deıin tómendetý úshin bul jumystardyń barlyǵy eń kemi 5-6 jyl boıy júrýi kerek. Jaǵdaı birtindep túzeledi», dedi Á.Smaıylov.
Osy ýaqytqa deıin memleket jelilerdiń barlyǵyn jańǵyrtýǵa jáne kúrdeli jóndeýge shamamen 300 mlrd teńge jumsady. JEO-dyń menshik ıeleri de tıisti jumys júrgizip, energııa kózderin jóndeýge 19 mlrd teńge qarajatyn shyǵyndaǵan.
