Qazaqstan telearnasyna suhbat bergen Qazaq Style aldaǵy josparlarymen de bólisken.
- Bizde qazir ekinshi orta salmaqtaǵy álem chempıony «Kanelo» bolyp tur. Ony 100 paıyz jeńe alamyn. О́ıtkeni men onyń árbir jekpe-jegin, jattyǵýlaryn bilemin. Baqylap otyramyn. Qarap júremin. Onyń kemshiligi men artyqshylyǵyn aıta alamyn. Onyń bárin dápterge jazyp otyramyn. Eger onymen qolǵap túıistiretin bolsam, qandaı taktıka qoldanyp, qandaı aılamen jeńý kerektigin bilemin. Men ony bir raýndta úsh ret qulata alamyn. Bul jaı sóz emes. Qudaı qalasa, kezdesip jatsaq, ispen dáleldeýge tyrysamyz, – dedi Jánibek Álimhanuly.
Aıta keteıik, qazaq boksshysy sońǵy jekpe-jegin bıyl 14 qazanda nemis Vınchenso Gýalterımen ótkizip, atynshy raýndta tehnıkalyq nokaýtpen jeńdi. Osylaısha ol óziniń WBO tıtýlyn qorǵap, qarsylasynda bolǵan IBF chempıondyq belbeýin ıelendi.
Qazirgi tańda Jánibektiń promoýterleri amerıkalyq dańqty boksshy kishi Krıs Iýbenkpen jekpe-jek ótkizýge tyrysyp jatyr. Iýbenktiń ózi bul kezdesýge qarsy bolmaǵanymen, onyń promoýterleri ázirge kelissózge barar emes.
