atr.kz
Qazaqstan, Reseı, Ázerbaıjan, Bolgarııa, О́zbekstan elinen 80-nen asa balýan qatysqan dodada jeńimpazdar men júldegerlerge qomaqty júlde berildi.
Erkin kúresten 74 keli salmaqta Atyraý oblysynan shyqqan tuńǵysh Azııa chempıony Syrbaz Talǵat barlyq qarsylastaryn aıqyn utsa, 86 kelide Ázerbaıjan balýany Tahır Hanıev chempıon boldy. Grek-rım kúresinen 77 kelide Maqsat Erejepov chempıon atandy. 87 kelide de jerlesimiz atyraýlyq balýan Evgenıı Polıvadov halyqaralyq týrnırdiń chempıony atandy.
«Atyraý oblysynda grek-rım, erkin, áıelder jáne jaǵajaı kúresi federasııasynyń qurylǵanyna bes aıdyń júzi boldy. Bıylǵy jyldy qorytyndylap, «Munaıly astana kýbogi» halyqaralyq týrnırin ótkizdik. Mańyzdy dodaǵa álem chempıondary, Eýropa, Azııa birinshilikterinde olja salyp júrgen tańdaýly balýandar qatysty. Oblys ákimdiginiń qoldaýymen ótken halyqaralyq týrnırdi uıymdastyrýdaǵy basty maqsat – oblysymyzdaǵy jas balýandarǵa serpin berip, óńir sportynyń áleýetin arttyrý» dedi oblystyq federasııa prezıdenti Arman Tuǵaev.
