Sport • 04 Qańtar, 2024

Jasóspirimder Olımpıadasy: Altyn medal buıyrmaı tur

191 ret

kórsetildi

1 mın

oqý úshin

Elimizdiń jasóspirim sportshylary bıylǵy jyldyń basty dodasyna 19 qańtarda qosylmaq. Ońtústik Koreıanyń Kanvondo qalasynda ótetin jasóspirimderdiń IV qysqy Olımpıadasyna qatysady. Ázirge sporttyń 5 túrinen 30 joldama bar, dep habarlaıdy Egemen.kz.

Qýanysh NURDANBEKULY

Jasóspirimder Olımpıadasy: Altyn medal buıyrmaı tur

Foto: Getty Images

19 qańtar men 1 aqpan aralyǵynda ótetin jasóspirimderdiń qysqy Olımpıadasynda altyn medal buıyra ma? Bizdiń balǵyn sportshylarymyz 2012 jyly Avstrııanyń Insbrýk qalasynda ótken qysqy Olımpıada oıyndarynda júlde aldy. Galına Vıshnevskaıa bıatlonnan 1 kúmis, 1 qola medal ıelendi. Shańǵy jarysynan Sergeı Malyshev 1 qola júlde oljalady. 2016 jyly Norvegııanyń Lıllehammer qalasynda ótken qysqy Olımpıada oıyndarynda konkı sportynan Ánýar Mahamadıev kúmis medal aldy. Mánerlep syrǵanaýdan Elızabet Tursynbaeva, bıatlonnan Arına Pantova, short-trekten Anıta Nagaı qola júldeger atandy. О́kinishke qaraı, 2020 jyly Shveısarııa eli Lozanna qalasynda ótkizgen jasóspirimderdiń qysqy Olımpıadasynda sportshylarymyz medal oljalaı alǵan joq.

Elimizdiń tabıǵaty qysqy sportty damytýǵa suranyp turǵanymen de, ınfraqurylymnyń jetimsizdigi kóp jaıtqa qolbaılaý bolyp otyr. Qysqy sporttyń qanshalyqty damyp kele jatqanyn jasóspirimderdiń oljasyz qaıtqanynan da ańǵarýǵa bolady.