«Ýnıversıtette 2020 jyl ishinde memlekettik satyp alýdy júzege asyrý aıasynda bıýdjet qarajatyn jymqyrý faktileri jasalǵan. 2020 jyly Ýnıversıtet pen «Ai-Tall» JShS arasynda (5,8 mln teńge somasyna «amıak selıtrasyn» satyp alý boıynsha), «KemalhanStroıElıt» JShS-men (15,8 mln teńge somasyna «ammofos» satyp alý jáne jetkizý boıynsha) jáne «QazTraıdSnab» JShS-men (22 mln teńge somasyna «qant júgerisi» tuqymyn satyp alý jáne jetkizý boıynsha) kelisimshart jasalǵan. Joǵaryda kórsetilgen sharttar boıynsha tuqym sebý jáne sebý oryndaryn óńdeýdi rastaý aktisin jalǵan jasaý faktileri anyqtaldy», delingen QazUAZÝ baspasóz qyzmeti taratqan habarlamada.
Aıta ketsek, «DarMırAýdıt» JShS júrgizgen qorytyndyǵa sáıkes ýnıversıtet memleketke 43,8 mln teńge kóleminde zalal keltirdi.
Sonymen qatar ýnıversıtette tabys tabý maqsatynda jeke kásipkerlerge jalǵa beriletin birqatar turǵyn emes kommersııalyq úı-jaılar (dúkender, ashanalar jáne t.b.) bar ekeni anyqtaldy.
«Máselen, 2012-2022 jyldar aralyǵynda Dana JK kommersııalyq úı-jaılardy (dúken úshin) turaqty túrde jalǵa alǵan, bul rette aı saıynǵy jaldaý aqysy ýnıversıtettiń burynǵy qyzmetkerine qolma-qol aqshamen jáne mobıldi aýdarymdarmen berilip otyrǵan, alaıda ol ýnıversıtettiń esep shotyna túspegen. Bul faktiler QR QK 190-baby 3-bóligi 1-tarmaǵy jáne QR QK 189-baby 4-bóligi 2-tarmaǵynda kózdelgen qylmystyq quqyq buzýshylyq jasaý faktisi boıynsha SDTBR-inde tirkelgen», delingen resmı habarlamada.
Ýnıversıtettiń jańa basshylyǵy 2023 jyldan bastap zańsyz shyǵarylǵan aktıvterdi, onyń ishinde JOO jataqhanalary men oqý aýdıtorııalaryn qaıtarý boıynsha barlyq qajetti sharalardy qabyldaǵany týraly qosa aıtyldy.
