Qutqarýshylar toby 3 kúnnen beri tabylmaı jatqan eki jumysshyny geologııalyq skanerleý ádisimen izdeýge kóshti. Ol Balqash qalasynan geologııalyq skanerleý qurylǵysy aldyrylǵan.
«Búgin oıyqtyń erneýine «Bogatyr Kómir» kásipornynyń úlken krany ornatyldy. «AK Altynalmas» AQ men Pavlodar oblystyq tótenshe jaǵdaı departamentiniń mamandary kran kómegimen shuńqyr tabanyna skanerleý qurylǵysyn túsirdi. Geologııalyq zertteý quraly qulaǵan topyraq úıindilerin skanerlep, jer astynda paıda bolǵan bos keńistikterdi, metall men ózge de qubylystardy izdep jatyr», dep habarlady óńirlik tótenshe jaǵdaılar departamentiniń baspasóz qyzmeti.
