Astana qalasy PD qyzmetkerleri ýaqytsha ustaý ızolıatoryna páter urylaryn qamaýǵa aldy. Elorda turǵyny jańa jyl qarsańynda belgisiz adamdar eki qabatty kottedjge kirip, seıften jasyryn túrde 1000 eýro, 1500 AQSh dollary, gaýhar tastary bar altyn buıymdar urlanǵany jóninde polısııaǵa júgingen. Keltirilgen zalaldyń jalpy somasy shamamen 10 mln teńgeni quraǵan.
Jedel-izdestirý is-sharalaryn ótkizý barysynda «Nura» aýdanynyń polısııa qyzmetkerleri páter urylarynyń tobyn ustady. Kúdiktiler – oblystardyń biriniń 26 jáne 28 jastaǵy eki azamaty. Olar elorda mańyndaǵy aýylda turyp, esh jerde jumys istemegeni belgili bolǵan.
Sondaı-aq olardyń buryn urlyq pen tonaý úshin birneshe ret qylmystyq jaýapkershilikke tartylǵany da anyqtalǵan.
Kúdiktiler qala ishin taksımen júrip aralaǵan. Sóıtip er adamdar astanalyq jábirlenýshiniń páterine tordy buzyp, plastıkalyq terezeni maıystyryp kirgen. Olar páterdiń ıeleri joq ekenine aldyn ala kóz jetkizgen.
Jaýap alý barysynda atalǵan azamattar moıyndaý aıǵaqtaryn berip, zattaı dáleldemeler alyndy. Urylar aqshanyń bir bóligin jańajyldyq merekelerdi atap ótýge jumsap ta úlgergen.
Qazirgi kezde kúdiktilerdiń elorda aýmaǵynda buryn jasalǵan osyndaı basqa da qylmysqa qatysy bar-joǵy tekserilip jatyr.
