Erkin qoljetimdi tele-radıo arnalar tizbesin qalyptastyrý kóp arnaly habar taratýdyń ortasyna (sıfrlyq efırlik, spýtnıktik teleradıo habarlaryn taratý) baılanysty júzege asyrylady.
Qaǵıdalarǵa sáıkes konvertterdi ashý 30 qańtarda saǵat 16.00-de Astana qalasy, Máńgilik El kóshesi, 8 (Mınıstrlikter úıi), 14-kireberis (745-kabınet) ótedi. Konkýrs qorytyndysy konvert ashylǵan kúnnen bastap on bes jumys kúninen aspaıtyn merzimde shyǵarylady.
Eldi mekenderdiń (aýmaǵyn) ataýy kórsetilgen radıotelevızııalyq stansııalar (budan ári – RTS) týraly derekter qosa beriledi.
Úmitkerlerdiń konkýrstyq usynystary kelesideı qujattardy qamtýy tıis:
Shyǵarmashylyq usynystar
1) tele-radıo arnanyń habar taratý toryn (kelesi aıǵa);
2) mynadaı málimetterdi qamtıtyn aqparat usynady:
– tele-radıo arnanyń taqyryptyq baǵyty jáne olardyń janrlyq araqatynasy (aqparattyq, analıtıkalyq, pýblısıstıkalyq, jastar jáne balalar, mýzykalyq tele-radıo baǵdarlamalar jáne kórkem, derekti fılmder);
– habar taratýdyń tildik araqatynasy, qazaq tilinde tele-, radıobaǵdarlamalardy translıasııalaý ýaqyty;
– menshikti tele-radıo baǵdarlamalardyń, satyp alynatyn tele, radıobaǵdarlamalardyń jáne retranslıasııanyń araqatynasy;
– habar taratýdyń ortasha táýliktik ýaqyty;
– shyǵarmashylyq jáne tehnıkalyq qyzmetkerlerdiń sandyq mándegi kadrlyq áleýeti.
Tehnıkalyq usynystar
Úmitker usynady:
1) tele-radıo baǵdarlamalar óndirisiniń stasıonarlyq stýdııalyq jabdyǵynyń bolýy, jaı-kúıi jáne tıpi týraly aqparat;
2) apparattyq-stýdııalyq keshenniń tehnıkalyq sıpattamalary;
3) tıisti standarttardy kórsete otyryp, dybys pen keskininiń sapasy joǵary tele-radıo baǵdarlamalardy efırge berý jónindegi mindettemeler;
4) stýdııalyq keshenniń ornalasqan jeri, tele-radıo arnany teleradıo habarlaryn taratý operatorlaryna berý tásili týraly aqparat;
5) sıgnaldy (tele-radıo arnany) ulttyq operator jelisine alty aı ishinde jetkizýdi qamtamasyz etý jónindegi mindettemeler.
Zańdy jáne qarjylyq usynystar
Tólem qabilettiligin jáne qarjylyq turaqtylyǵyn rastaıtyn qujattar, onyń ishinde:
– úmitkerdiń Qazaqstan Respýblıkasynyń ekinshi deńgeıdegi bankterindegi shottary boıynsha aqsha qaldyqtary men qozǵalysy týraly úzindi-kóshirme (-ler);
– Qazaqstan Respýblıkasynyń býhgalterlik esep jáne qarjylyq eseptilik týraly zańnamasyna sáıkes konkýrsqa qatysýǵa ótinim berilgen kúnniń aldyndaǵy kúntizbelik jyl úshin jasalǵan úmitkerdiń qarjylyq eseptiligi, al Qazaqstan Respýblıkasynyń aýmaǵynda taratý úshin konkýrsqa qatysatyn úmitkerler úshin Qazaqstan Respýblıkasynyń aýdıtorlyq qyzmet týraly zańnamasyna sáıkes jasalǵan aýdıtorlyq eseppen rastalǵan qarjylyq eseptilik;
– úmitkerdiń salyq beresheginiń, sondaı-aq, mindetti tólemder boıynsha beresheginiń joq ekendigi týraly konkýrs ótkizý týraly aqparattyq habarlama jarııalanǵan kúnnen buryn berilgen salyq organynyń anyqtamasy;
– teleradıo habarlaryn taratýdyń ulttyq operatoryna sıfrlyq efırlik jáne jerseriktik teleradıo habarlaryn taratý jelisi boıynsha tele-radıo arnany taratqany úshin ulttyq teleradıo habarlaryn taratý operatoryna anyqtama berilgen kúnniń aldyndaǵy 1 aıdan asa sozylǵan merzimi ótken bereshektiń joqtyǵy týraly anyqtama.
Konkýrstyq qujattardy uıymdastyrýshynyń mekenjaıyna tirkelgen, nómirlengen túrde jáne sońǵy bettiń syrtynda úmitkerdiń ýákiletti tulǵasynyń qoly jáne mórmen (bolǵan jaǵdaıda) bekitilip, aýzy jabylǵan konvertte usynady jáne mynadaı talaptardy saqtaıdy:
- konkýrsqa qatysýǵa ótinim salynǵan, mórlengen konverttiń betki jaǵynda úmitker uıymdastyrýshynyń jáne úmitkerdiń tolyq ataýy men poshtalyq mekenjaıyn kórsetýi tıis;
- qujattardy qabyldaýdy júzege asyratyn tulǵa konkýrsqa qatysýǵa ótinimder salynǵan konvertterdi usynǵan konkýrsqa qatysýǵa úmitkerlerdiń ótinimderin belgilengen merzim ótkenge deıin tirkeý jýrnalyna engizedi.
Konkýrstyq qujattar kelesi mekenjaı boıynsha qabyldanady: Astana qalasy, Máńgilik El dańǵyly, 8 (Mınıstrlikter úıi), 14 kireberis, 972 kabınet, Mádenıet jáne aqparat mınıstrligi.
О́tinimderdi qabyldaý olarǵa qosa berilgen qujattarmen birge aqparattyq habarlama resmı jarııalanǵan kúnnen bastalady jáne senbi men jeksenbiden basqa kúnderi arasyndaǵy saǵat 13.00-den 14.30-ǵa deıingi úzilisti qospaǵanda saǵat 9.00-den 18.30-ǵa deıin qabyldanady jáne 29 qańtarda saǵat 12.00-de aıaqtalady.
Qosymsha aqparat alýǵa arnalǵan baılanys telefondary: 8 (7172) 74-13-12, 74-10-12, 74-02-64.
