Qoǵam • 08 Qańtar, 2024

О́nerkásip alpaýyttary geologııalyq barlaýǵa belsene kiristi

120 ret

kórsetildi

2 mın

oqý úshin

2023 jylǵy 20 jeltoqsan kúni e-qazyna.kz platformasynda elektrondyq aýksıon sátti ótkennen keıin elimizdiń taý-ken ónerkásibi álemdegi eń iri kompanııalardyń nazaryna ilikti. О́nerkásip jáne qurylys mınıstrliginiń habarlaýynsha, bul tarıhı sát eldiń ósip kele jatqan tartymdylyǵyn arttyra tústi. Sáıkesinshe qazirgi ýaqytta «Riotinto» (Aýstralııa, Ulybrıtanııa), «Fortescue» (Aýstralııa), «Kratos Resources» (Ulybrıtanııa), «Cove Capital» (AQSh), «Eczacibasi Holding» (Túrkııa), «Qazaqmys korporasııasy» (Qazaqstan), «ERG Exploration» (Qazaqstan), NGK «Qazgeologııa» (Qazaqstan) jáne basqa da alpaýyt kompanııalardyń nazary tústi.

Abaı AIMAǴAMBET

О́nerkásip alpaýyttary geologııalyq barlaýǵa belsene kiristi

«Rio Tinto Group» – aýstralııalyq-brıtandyq konsern, álemdegi úshinshi iri transulttyq taý-ken metallýrgııalyq kompanııasy. «Fortescue Metals Group» – aýstralııalyq temir rýdasyn óndirýshi kompanııa jáne óndiristik qýaty boıynsha álemniń tórtinshi iri temir rýdasyn óndirýshi. «Rio Tinto Group» jáne «Fortescue Metals Group» sııaqty taý-ken kompanııalarynyń naryqtyq kapıtaldanýy 180 mıllıard dollardan asady.

«45 jer qoınaýy ýchaskesinde qatty paıdaly qazbalardy barlaý quqyǵyn alýǵa baǵyttalǵan aýksıon 2,5 mıllıard teńgege jýyq qoltańba bonýsymen aıaqtaldy, bul strategııalyq mańyzdy aýmaqtarǵa qyzyǵýshylyqtyń joǵary ekendigin kórsetedi. Sheteldik iri kompanııalardyń qatysýy olardyń jahandyq básekelestikke degen umtylysyn kórsetip qana qoımaıdy, sonymen qatar aımaqtaǵy barlaý quqyǵy úshin kúrestegi úlesti arttyrady», dep habarlady mınıstrlik.

Memleket basshysy Joldaýda Úkimet aldyna 2026 jylǵa qaraı zertteletin aýmaqty 2,2 mıllıon sharshy shaqyrymǵa deıin ulǵaıtý jóninde mindetter qoıǵan edi. Bul bıik bastamalar eldiń ekonomıkalyq damýyna aıtarlyqtaı yqpal etedi. Geologııalyq barlaýdy keńeıtý el úshin resýrstardy óndirýde, jumys oryndaryn qurýda, otandyq jáne sheteldik ınvestısııalardy yntalandyrýda jańa perspektıvalar ashady.

Álemdik naryqqa iri oıynshylardyń sátti tartylýy Qazaqstannyń álemdik arenadaǵy bedeli artyp kele jatqanyn kórsetedi jáne sheteldik ınvestısııalardyń kelýine yqpal etedi.