Jergilikti bıýdjet qarajaty esebinen satyp alynǵan «Hyundai Tucson» markili 22 avtokólik Aqtóbe qalasynyń ýchaskelik polısııa ınspektorlaryna, «Gazel-Next» markili 10 kólik tergeý-qamaýǵa alynǵan adamdardy tasymaldaý úshin aýdandyq bólimshelerge berildi.
Sondaı-aq 3 kvadrosıkl saıajaı alaptary men ózen jaǵalaýlaryn baqylaıtyn patrýldik polıseılerge berilse, «Belarýs» traktory polısııa bólimderiniń sharýashylyq qajettilikteri úshin satyp alyndy. Osylaısha, jańa jyldyń alǵashqy jumys aptasy polısııa qyzmetkerlerine jaqsy kóńil kúı syılady. Sý jańa avtokóliktiń qaı-qaısysy da tártip saqshylary úshin qajetti tehnıkalyq quraldarmen jabdyqtalǵan. «Zamanaýı talaptarǵa jaýap beretin avtokólikter qylmystar men oqıǵalar týraly habarlama kelip túsken jedel qımyldaýǵa múmkindik beredi», dedi oblystyq PD bastyǵy Abaı Júsipov.
Aıta keterligi, Aqtóbe oblysynyń 12 aýdanynda aýyldyq okrýgterdiń ýchaskelik ınspektorlary qyzmettik kóliktermen qamtamasyz etilmegen.
Aqtóbe oblysy
