Konstıtýsııaǵa sáıkes prezıdenttikke «jetijyldyq bir ǵana merzim» engizilýi, elimizdegi óńir-óńirlerge issapar barysyndaǵy «saltanatty sharalar jasap kútip alýdy toqtatýy» bılikke jaǵyný men jeke basqa «ásire tabynýdy» joıý jolyndaǵy atap ótýge laıyqty qadamdarynyń biri dep sanaımyn. Endigi suhbat barysynda ýáde etilgendeı osy tártip ózgerissiz qalyp, el ıgiligine, Otanymyzdyń damýyna úles qosatyn basshylardyń kelýinen úmittimiz. Buǵan deıin bılik yńǵaıyna ózgertilgen konstıtýsııalyq ózgeristerge kýá bolǵan halyqta kúmán de úmit te bary ras. Desek te jas býynda úmit basym.
Suhbat barysynda qozǵalǵan halyqtyń jappaı nesıege batýy, turmystyq zorlyq-zombylyqtyń aldyn alý boıynsha jáne kadr máselesin sheshý boıynsha birqatar is-shara oryndalyp jatqany qýantady. Solardyń ishindegi ataýlysy - jastardan quralǵan «Prezıdenttik jastar kadr rezervi» túrli salalarda qyzmet etetin bilikti jastar úshin uıymdastyrylǵan jaqsy múmkindik. Osy syndy memlekettik dárejede atqarylyp jatqan is-sharalar Prezıdentimizdiń Maǵjan Jumabaev atamyzdyń «men jastarǵa senemin» óleńimen úndes úmiti baryn baıqaǵandaımyn.
Buǵan deıingi ǵylym salasyn damytý jolynda atqarylyp jatqan oń ózgerister tizbegi de kól-kósir. Ozyq oıly ult retinde qalyptasýdy kózdegen el shynymen de bilim men ǵylymdy aldyńǵy qatarǵa qoıatyny aıqyn. Sebebi dana halqymyzdan qalǵan ataly sóz «bilimdi myńdy jyǵatynyna» kózimiz jetti. Biz óz kezegimizde oqytýshy retinde talapker-jas býyndarǵa osyny sińdirýdi mindet tutamyz. Eńbegimiz elense jas býyn arasynda el haqysyna aıanbaı ter tógetin «beıbit zaman batyrlary» kóbeıetinine kámil senemin.
О́mirserik BAIGENJENOV,
Sátbaev ýnıversıtetiniń PhD, professory
