Qazaqstan • 16 Qańtar, 2024

«80 jyldan soń»: Jaýynger súıegi elge jetkizildi

2410 ret

kórsetildi

1 mın

oqý úshin

Atamnyn Amanaty qoǵamdyq birlestigi Ekinshi dúnıejúzilik soǵysynda qaza tapqan Kádirbek Dáýletqulovtyń súıegin kindik qany tamǵan týǵan jerine qaıta jerleý úshin Jambyl oblysyna jetkizdi. Bul úshin Qazaqstan Qarýly kúshteri Áýe qorǵanysy kúshteriniń áskerı-kóliktik ushaǵy arnaıy reıs ushyrdy. Jaýyngerdiń súıegin qarsy alýǵa arnalǵan rásim Taraz qalasy áýeaılaǵynyń áskerı sektorynda uıymdastyryldy. Is-sharaǵa oblystyń qorǵanys isteri jónindegi departamenti jáne «Ońtústik» óńirlik qolbasshylyǵy áskerleri men ardagerleri uıymdarynyń ókilderi qatysty, dep habarlaıdy Egemen.kz Qorǵanys vedomstvosyna silteme jasap.

Shyńǵys MUQAEV

«80 jyldan soń»: Jaýynger súıegi elge jetkizildi

Foto: gov.kz

2023 jyldyń qarasha aıynda Reseıdiń «Áýlıe Ilıa Mýromes zastavasy» izdeý jasaǵy taýyp, súıektiń kimge tıesili ekenin medalondaǵy derekterden anyqtaǵan.

«Kádirbek Dáýletqulov týraly kóptegen áskerı aqparat qupııa. О́ıtkeni ol Keńes Armııasy qatarynda shekarashy qyzmetin atqarǵan», dep atap ótti Atamnyn Amanaty qoǵamdyq birlestiginiń ókili Ábýbákir Smaıylov.

1920 jyly Jambyl oblysynda týǵan, 1943 jyldyń jazynda Kýrsk doǵasyndaǵy qandy shaıqasta qaza tapqan Kádirbek Dáýletqulov otbasyn qurmaǵan. Jaýyngerdiń aǵasynyń urpaqtary tabyldy. Týǵan jeri – Turar Rysqulov aýdanynda jer qoınyna tapsyrý úshin sarbazdyń súıegi týystaryna tapsyryldy. Sondaı-aq onyń medalony, kaskasy, saper kúregi, sarbaz krýjkasy aǵaıyndaryna berildi.

Qorǵanys

Aıta ketsek, Atamnyn Amanaty qoǵamdyq birlestigi 2019 jyldan bastap Ekinshi dúnıejúzilik soǵysy jyldarynda qaza tapqan otandas jaýyngerlerdi júıeli túrde izdeýmen jáne jerleýmen aınalysyp keledi. Qoǵamdyq birlestik osy ýaqytqa deıin Qorǵanys mınıstrligimen birlesip 19 sarbazdyń súıegin elimizge jetkizip, qaıta jerleýdi uıymdastyrǵan.