Buǵan deıin barystyqtar tórt márte qatarynan jeńilistiń ashy dámin tatyp, týrnır kestesindegi jaǵdaıyn qıyndatyp alǵan edi. Saldarynan 50 oıynnan keıin 40 upaımen «Shyǵys» konferensııasynda sońǵy 12-orynda turǵan-dy.
Ýfalyqtarǵa qarsy oıyndy jerlesterimiz belsendi bastady. Nátıjesinde, elordalyq ujym sapynan Dmıtrıı Gýrkov 6-mınýtta mergendik tanytty. Oıynnyń 21-mınýtynda Kırıll Savıskıı esepti ústemeleı túskenimen, 40-mınýtta «Salavat Iýlaev» hokkeıshisi Mıhaıl Naýmenkov kózdegen nysanadan múlt ketken joq.
Al 49-mınýtta Nıkolaı Kýlemın tipti esepti teńestirip ketti. Osylaısha, negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda da jeńimpaz anyqtalǵan joq. Al býllıtte «Barystyń» joly boldy.
Osy jeńisten keıin «Barys» komandasy «Shyǵys» konferensııasynda bir saty joǵarylap, 52 upaımen 11-orynǵa jaıǵasty.
Endi Oleg Bolıakınniń shákirtteri 19 qańtarda – SSKA (Máskeý) komandasymen, 22 qańtarda «Avtomobılıst» (Ekaterınbýrg) klýbymen sheberlik baıqasady.
