Foto: repost.uz
Osy jyly 26 shilde - 11 tamyz aralyǵynda Fransııa astanasy Parıjde jazǵy Olımpıada oıyndary ótedi.
Bul saıysta boks saıypqyrandary 7 salmaq dárejesinde synǵa túsedi. Ázirge bokstan Qazaqstan quramasynda erler arasynda Qamshybek Qońqabaevta ǵana Parıj Olımpıadasyna joldama bar.
Al bokstan О́zbekstan quramasynyń bas bapkeri Tolqyn Qylyshev bıylǵy Olımpıada da júldesiz oralmaıtyn sportshylaryn atady. Tilshi suhbat sońynda Tolqyn bapkerden: «Bıylǵy Olımpıadada kimderge úmit artasyz?», dep surady.
«Qazirgi maqsatymyz – Olımpıada lısenzııasyn tolyq ıemdený. Sodan keıin ǵana medaldyń jaıyn oılastyrýǵa bolady. Álbette, barlyǵynyń jolyna úmitpen qaraımyz. Dýsmatovtyń Olımpıadada top jaratyndaı qabileti bar. Jalolov ta bilgeninen jańyla qoımas. Abdýllaev ta jerge qaratpaıdy dep senemiz. 80 kıloda óner kórsetetin Habıbýllaev ta jahandyq jarysta jarq ete qalsa deımiz. Parıj olımpıadasyna deıin eki lısenzııalyq jarystan bólek Bolgarııadaǵy «Strandja» kýbogine qatysamyz», dedi Tolqyn Qylyshev.
О́zbek boksynyń búgingi baǵdary men betalysy týraly gazetimizdiń búgingi sanynda jaryq kórgen Almas Manaptyń «Tolqyn Qylyshev, bokstan О́zbekstan quramasynyń bas bapkeri: Bizge qazaq boksynyń myqty bolǵany kerek» maqalasynan tolyq oqı alasyz.
