Foto: olympic.uz
Kórshi eldiń boks quramasyn 1,5 jyldan beri baptap kele jatqan Tolqyn Qylyshev «Egemen Qazaqstan» gazetine bergen suhbatynda ózbek boksynyń keleshegi týraly sóz qozǵaıdy. Ár salmaqtaǵy fınaldyq jekpe-jekterge jeke toqtalǵan bapkerdiń 86 kılo tartatyn boksshylar týraly aıtqany qyzyq. Osy salmaqtyń fınaldyq aıqasy týraly bas bapker suhbatynda bylaı deıdi.
«86 kıloda óner kórsetken Shohjahon Abdýllaev pen Samandar Jalolov arasyndaǵy jekpe-jek birinshi raýndtan keıin aıaqtaldy. Shohjahon – jastar arasynda álem chempıony, Azııa chempıony. Biraq bul joly Samandardyń saǵyn syndyrmas úshin jeńisti oǵan «syıladyq». Oǵan sebep te kóp. Birinshiden, Samandor – Bahodır Jalolovtyń týǵan inisi. Jas bala. Qazirdiń ózinde boıy – 193 sm. Ol bolashaqta 92 kıloǵa aýysady. Ekinshiden, ekeýin de bir bapker jattyqtyrady. Áıtpese, Shohjahonnyń Samandorǵa shamasy jetip tur».
Qazaq mundaıda «mata dańqymen bóz ótedi» degen. Aǵasy álem, Olımpıada chempıony eken dep kópe-kórneý jyǵyp berip, «jeńisti syılap jiberý» sportshynyń boıyna saýdagerlikti sińirýi de ǵajap emes.
«Egemen Qazaqstan» gazetinde jaryq kórgen jýrnalıst Almas Manaptyń О́zbekstan ulttyq quramasynyń bas bapkerinen alǵan suhbatyn tómendegi siltemeden oqısyz. «Tolqyn Qylyshev, bokstan О́zbekstan quramasynyń bas bapkeri: Bizge qazaq boksynyń myqty bolǵany kerek»
