Qumqudyqqa gaz jetti

Aqtóbe oblysynyń tabıǵaty taza,  mal ósirip, bıdaı, qara bıdaı, tary, arpa egip, biryńǵaı aýyl sharýashylyǵymen aınalysyp kele jatqan  aýdannyń eńbekqor turǵyndary bul jańa­lyqqa erekshe qýandy. О́ıt­­keni irgesi sógilmegen bul aýyl qa­zan­nan mamyrǵa deıin kúl shy­ǵa­ryp, kómir jaǵýdyń beıne­tin jaqsy biledi. Aýyldy ustap turǵan iri sharýashylyqtar bol­ma­ǵanda, jurty baıaǵyda kóship keter me edi?..

Qumqudyqtyń shetindegi úı­lerge gaz qubyry kirdi, endi bir­tindep barlyq kóshege tartyla bastady. Osy jumystyń uzańqyrap ketýine Áıteke bı aýdany eldi mekenderiniń bir-birinen qashyqtyǵy da sebep boldy. Qumqudyqqa gaz tartý jumystaryna eki jyl buryn bıýdjetten 4,1 mlrd teńge bólin­gen.  Endi, mine osy qarajatqa 89,6 shaqyrym gaz qubyry júr­gi­zildi. Áıteke bı aýdanynyń ákimi Dáýletııar Toǵyzbaev aýyl­dastarynyń qýanyshyna ortaq­ta­syp, kógildir otyn kirgen úılerge arnaıy soǵyp shyqty.  «Búgin aýyl turǵyndary  kúl shyǵaryp, kómir kirgizýdiń  beı­ne­tinen qutylyp jatyr. Bizdiń jaqta qys uzaq, alty aı kómir jaǵamyz. Onyń ústine, bir úıdi jylytýǵa kemi alty tonna kómir kerek. Jyl saıyn kómir baǵa­sy­nyń kóterilip jatqany óz aldyna. Qalaı bolǵanda da tabıǵı gazben jylytý ári arzan, ári aýyldastaryma qolaıly», deıdi Dáýletııar Toǵyzbaev.

Qazirgi kezde Áıteke bı aýda­nyn­daǵy  27 eldi mekenniń 13-i gazdandyryldy. Bıyl aýdanda quny 2,3 mlrd teńge bolatyn joba josparǵa endi. Osy ar­qyly  Sulýkól, Aqtasty, Tolybaı, Áıke, Tereńsaı aýylda­ryna kógildir otyn kirgiziledi.  Munymen bir kezde  Qııaqty, Ulǵaısyn eldi mekenderine de  gaz jetkizý boıynsha jobalyq-smetalyq qujattama ázirlenip, respýblıkalyq jáne jergilikti bıýdjetterden  qarjylandyrýǵa bıýdjettik ótinim usynyldy.

Aqtóbe oblysy