Aqan seri Foto: Ankui.kz
XIX ǵasyr
Murat Móńkeuly
1) Zamanǵa qaraı sóz kerek.
2) Adamnyń azǵan belgisi – eki kisi daýlassa,
Tatý bol dep aıtpaıdy.
3) Bir páleden – myń pále.
Aqan seri Qoramsauly
1) Shirimes – altyn jerde jatqanymen,
Oq ótpes – ajalsyzǵa atqanymen.
2) Sý shyqpas qazǵanmenen taý basynan,
Qazaqtyń daý ketpeıdi saý basynan.
Joldasy syr aıtysqan jaý bop shyqsa,
Er jigit jańylady táýbasynan.
3) Árkimniń ózine laıyq qalyby bar.
4) Qyzarǵan bet tabylar, qyzynǵan nıet tabylmas.
5) Jamandy myń kórgenmen ishiń súımes.
Jambyl Jabaev
1) Oıhoı, dúnıe – serýen, adam – bir kóshken kerýen.
2) Eldiń serti – erdiń serti.
3) El úshin týǵan erlerdiń, aldy-arty darııa keń bolar.
Sháńgereı Bókeev
1) Jol tosqan jolbarysqa qazaly qulan jolyǵar.
2) О́lgendi qadir etsek – qanǵa raýa.
3) Ańsyraǵan alǵyr tuıǵyn abaısyz aýǵa shyrmalady.
5) Ne qajet Nil sýyna ótkel salyp?
Nurjan Naýshabaev
1) Bilmeı shalqyp sóıleýden, sóılemeı turý bos artyq,
Bilmegenge baǵasyn, altynnan da mys artyq.
2) Shappaıtyn almas qylyshtan, qoldaǵy qamshyń kóp artyq,
Sýy ashy teńizden tomar da bolsa kól artyq.
Turmaǵambet Iztileýov
1) Kún týsa, nur qashady aıdan-daǵy,
Jarly jaqsy qaıyrymsyz baıdan-daǵy.
2) Aqylyń astam bolǵanmen, oılaspaı etpe isińdi.
Pishken tonyń keńespen, kóriner kózge pishindi.
3) Dúnıeden ómir bitip ótsem de ózim,
Aralap jerdiń júzin júrer sózim.
Kóre almaı keıingini kettim-aý dep,
Armanda bolmaı-aq qoı, eki kózim.
4) Tatýlyqtyń qyzyǵy – keýdeden janyn shyqqansha.
5) Estiden etken úmit esh bolmaıdy,
Jasalǵan jaqsylyqta kesh bolmaıdy.
(Erbol Shaımerdenuly qurastyrǵan «Qazaq aforızmderi» kitabynan iriktelip alyndy)
