Foto: Egemen Qazaqstan
Saǵat 17:00-degi jaǵdaı boıynsha Almaty qalasynyń aýrýhanalaryna 67 adam medısınalyq kómekke júgingen. Onyń 55-si eresek, 12-si bala. Segiz adam aýrýhanaǵa jatqyzyldy (úsh eresek jáne 5 bala), qalǵan naýqastar barlyq qajetti tekserýden keıin ambýlatorlyq emdeýge jiberildi.
Úsh eresek naýqas Qalalyq jedel shuǵyl kómek kórsetý aýrýhanasynda jatyr. Naýqastardyń biri otadan keıin jansaqtaý bóliminde, jaǵdaıy aýyr dep baǵalanyp otyr.
Eki naýqas travmatologııa jáne ortopedııa bólimshesinde jatyr, jaǵdaıy ortasha aýyr.
Balalar jedel medısınalyq járdem ortalyǵynda tórt bala: 6 jáne 7 aılyq, 7 jáne 16 jastaǵy balalar medısınalyq kómek alyp jatyr. Olardyń barlyq jaraqaty úıde qulaý saldarynan bolǵan. Sábılerge keletin bolsaq, bir sábı anasynyń qushaǵynan, ekinshisi besikten qulaǵan. Barlyq balanyń jaǵdaıy ortasha turaqty dep baǵalanady. Olar neırohırýrgııa jáne travmatologııa bólimshesinde em qabyldap jatyr. Hırýrgııalyq ota jasalmady, emi konservatıvti boldy.
JRVI dıagnozy qoıylǵan 17 jastaǵy bir bala Qalalyq balalar juqpaly aýrýlar aýrýhanasynda em qabyldap jatyr.
