Foto: smartnews.kz
Jıynǵa Abaı, Ulytaý, Jetisý, Shyǵys Qazaqstan, Qaraǵandy jáne Qostanaı oblystary ákimdikteriniń, «Jetisý» jáne «Ońtústik aspan» áýe kompanııalarynyń, sondaı-aq Úsharal, Úrjar, Zaısan áýejaılarynyń ókilderi qatysty.
Keńes barysynda shaǵyn avıasııany odan ári damytý máseleleri talqylandy. Keńes qorytyndysy boıynsha Kólik mınıstrliginiń basshysy Úrjar, Úsharal, Zaısan, Katonqaraǵaı, Qarqaraly, Ulytaý jáne Arqalyq qalalarynda áýejaılardyń qurylysy jáne olardy rekonstrýksııalaý máselelerin qaraýdy, sondaı-aq shaǵyn avıasııany damytý jónindegi jumysty jalǵastyrýdy tapsyrdy.
2023 jyldyń sońynda Qazaqstan úsh áýejaıdy sheteldik ınvestorlardyń senimgerlik basqarýyna berý týraly kelissózder júrgizip jatqany belgili boldy. Olar Qazaqstandaǵy áýejaılardy jańǵyrtýǵa jalpy alǵanda 2 mıllıard 400 mıllıon dollar jeke ınvestısııa, sonyń ishinde sheteldik ınvestısııa tartýdy josparlap otyr.
