Yntymaqtastyqtyń jańa kezeńi

Syrtqy saıası salalardyń basshylary joǵary deńgeıdegi or­nyqty jáne senimdi saıası dıalog­tiń arqasynda Qazaqstan men Tájik­stan arasyndaǵy qatynastar ózara is-qımyldyń sapaly jańa deńgeıine shyǵarylǵanyn atap ótti.

«Tájikstan – senimdi strate­gııa­lyq seriktesimiz jáne odaqtasymyz. Qazaqstanda baýyrlas tájik halqyna erekshe jylylyqpen qaraıdy jáne kópqyrly yntymaqtastyqty ny­­ǵaıtýǵa baǵyttalǵan», dedi M.Nurtileý.

Taraptar qazaq-tájik yntymaq­tas­tyǵynyń keń aýqymdy máse­lelerin talqylady. Saýda-ekono­mı­kalyq jáne ınvestısııalyq baılanystardy keńeıtýge erekshe nazar aýdaryldy. Perspektıvaly jo­balardy ilgeriletý boıynsha bir­lesken jumysty jandandyrý týraly ýaǵdalastyqqa qol jetkizildi.

M.Nurtileý saýda, energetıka, taý-ken jáne ýran ónerkásibi, aýyl sharýashylyǵy, kólik jáne logıs­tıka salalarynda ózara tıimdi yn­tymaqtastyqty damytýda qol jet­kizilgen progresti atap ótti.

Qazaqstan Tájikstannyń iri saý­da seriktesteriniń «úshtigine» kire­di. Keıingi jyldary ekijaqty taýar aınalymy mıllıard dollardan asqan. M.Nurtileý Qazaqstan eksportty shamamen 190 mln dollar somaǵa ulǵaıtýǵa daıyn ekenin habarlady. Sonyń ishinde temirjol lokomotıvteri men vagondaryn, rels arqalyq ónimderin, undy jetkizýdi qamtamasyz etýge, sondaı-aq kooperasııalyq baılanystardy damytý úshin barlyq qajetti jaǵdaı­lardy jasaý qarastyrylǵan.

Sıfrlyq tehnologııalar ynty­maq­­tastyqtyń jańa draıverine aınaldy. О́tken jyldyń jeltoqsan aıyn­da Qazaqstan «KazAID» agenttigi arqyly tájik tarapyna 2,8 mıllıon dollarǵa eGov platformasynyń IT ónimderin berdi. Taraptar osy baǵyttaǵy ózara is-qımyldy odan ári ilgeriletýge ýaǵdalasty. Jaqyn arada Qazaqstannyń ozyq IT-mek­tep­­terinde 100 tájik mamanyn oqy­tý josparlanyp otyr. О́z ke­ze­ginde Tájikstannyń Syrtqy is­ter mınıstri S.Mýhrıddın odaq­tastyq qatynastardy tereń­detýge beıildiligin bildirip, saýda-ekono­mı­kalyq baǵyt tájik-qazaq ózara is-qımylynyń mańyzdy seg­menti ekenin atap ótti.

Kelissózder barysynda syrtqy saıası salalarynyń basshylary ha­lyqaralyq jáne óńirlik kún tár­ti­bi máseleleri boıynsha ortaq mámi­lege keldi. Taraptar kópjaqty qu­ry­lym­dar, onyń ishinde BUU, ShYU, AО́SShK, UQShU, IYU, AQIU, HAQQ jáne taǵy basqa uıymdar sheńberinde ózara qoldaý kórsetýdi jalǵastyrady.

Mınıstrler óńirlik kooperasııa­ny damytýǵa, Ortalyq Azııadaǵy beıbitshilik pen turaqtylyqty ny­ǵaıtý jónindegi birlesken kúsh-jigerge, Ortalyq Azııa memleketteri basshylarynyń konsýltatıvtik kezde­sýleri men Halyqaralyq Aral­dy qutqarý qory aıasyndaǵy ózara is-qımylǵa egjeı-tegjeı toq­taldy.

Ekijaqty kún tártibiniń mańyzdy bóligi – mádenı-gýmanıtarlyq sala. Bilim, ǵylym, mádenıet, medısına jáne sport salasyndaǵy ózara is-qımyldy arttyrý boıynsha usynystar almasty. Taraptar bıyl Tájikstanda Qazaqstannyń mádenıet kúnderin ótkizý josparlaryn belgiledi. Qazaqstandyq ta­rap «KazAID» agenttigi jaqyn arada Ortalyq Azııa elderinen kelgen jas dıplomattar úshin bilim berý kýrstaryn jáne medısına qyz­met­kerleri úshin taǵylymdamalar uıym­dastyratynyn habarlady.

Mınıstr M.Nurtileý Dýshanbede Tájikstannyń iri kompanııalarynyń bas­shy­larymen jeke kezdesý ótki­zip, qazaq seriktesterimen, onyń ishin­de birlesken kásiporyndar qu­rý arqyly belsendi ózara is-qı­myl jasasýǵa shaqyrdy. Sapar aıa­synda Qazaqstannyń Syrtqy ister mınıstri Ismoıl Somonı eskert­ki­shine gúl shoqtaryn qoıý rásimine qatysyp, Tájikstannyń Ulttyq murajaıyna baryp qaıtty.

Resmı sapardyń ekinshi kúni Murat Nurtileý bastaǵan Syrtqy ister mınıstrliginiń delegasııasy Qaza tapqan qazaqstandyq jaýyn­gerlerdiń monýmentine gúl shoq­taryn qoıdy.

Qazaqstandyq batyrlardy eske alý is-sharasyna tájik tarapynyń ókilderi, onyń ishinde Tájikstannyń MUQK Shekara áskerleriniń arda­gerleri men zeınetkerleri keńe­siniń tóraǵasy general-leıtenant Safaralı Saıfýlloev, sondaı-aq elor­dalyq merııa basshylyǵy qa­tysty.

Qazaqstannyń Syrtqy saıası salasynyń basshysy Dýshanbe qala­synyń basshylyǵyna moný­mentke uqypty qaraǵany úshin alǵys aıtyp, azamattarymyzdyń er­lik­terin este saqtaýda odan ári ynty­maq­tastyqqa úmit bildirdi.