Foto: aqmola_pd
«Banda músheleriniń esebinde tórt adam óltirý, júrgizýshilerge jasalǵan tonaý shabýyldary, ekonomıkalyq kontrabanda jáne bılik ókiliniń nemese laýazymdy tulǵanyń ataǵyn óz betinshe taǵaıyndaý faktileri bar. О́ziniń qylmystaryn 26 jyl buryn jasaı bastady.
1998 jyldan bastap mılısııa qyzmetkerleriniń nysandy kıim-keshekterin kıip alyp, avtomatty atys qarýymen qarýlanǵan qylmyskerler qala syrtyndaǵy avtojoldarda jezldiń kómegimen avtokólikterdi ıemdený maqsatynda toqtatyp, júrgizýshiler men olardyń jolaýshylaryn atyp tastaıtyn. Denelerdi orman alqaptaryna kómý arqyly joıyp, al avtokólikterdi zańsyz satqan», delingen aqparatta.
1999 jyly bandanyń tórt múshesi ustaldy. Keıinnen sot úkimimen olardyń ekeýi ólim jazasyna, qalǵandary uzaq jylǵa bas bostandyǵynan aıyryldy. Qujattardy, tegin, atyn, ákesiniń atyn jáne týǵan jylyn zańsyz ózgertken, oǵan qosa syrtqy kelbetin de ózgertken jáne 26 jyl boıy quqyq qorǵaý organdarynan jasyrynǵan toptyń bir ǵana múshesi ádilettilikten qashyp qutyla aldy.
2024 jyldyń 27 qańtarynda jedel-izdestirý is-sharalary men uzaq ázirlemelerdiń nátıjesinde, toptyń sońǵy qatysýshysy Kókshetaý qalasynda ustaldy. Qazirgi ýaqytta qajetti tergeý rásimderi júrgizilip jatyr.
