Foto: Q.Qonyspaev
Almatyǵa Qazaqstan Premer-mınıstri Álıhan Smaıylov, Armenııa Premer-mınıstri Nıkol Pashınıan, Belarýs Premer-mınıstri Roman Golovchenko, Qyrǵyzstan Mınıstrler Kabınetiniń Tóraǵasy Aqylbek Japarov, Reseı Federasııasy Úkimetiniń tóraǵasy Mıhaıl Mıshýstın jáne EEK Alqasynyń tóraǵasy Baqytjan Saǵyntaev keldi.
Kún tártibinde EAEO ıntegrasııalanǵan aqparattyq júıesin damytý, EAEO-da elektrondy kommersııany damytý úshin qolaıly jaǵdaılar jasaý, EAEO elderi temir joldarynyń ıntegrasııalyq ózara is-qımyly bar.
Eýrazııalyq úkimetaralyq keńes EAEO elderindegi makroekonomıkalyq jaǵdaıdy jáne turaqty ekonomıkalyq damýdy qamtamasyz etý boıynsha usynystardy da qaraıdy.
«Eýrazııalyq agroekspress» EAEO-ǵa múshe memleketterdiń aýyl sharýashylyǵy ónimderi men azyq-túlikti temirjol jáne mýltımodaldy tasymaldaý boıynsha birlesken jobalaryn talqylaý josparlanyp otyr.
Eske salaıyq, 2024 jyldyń 1 qańtarynda Armenııa EAEO tóraǵasy boldy.
EAEO elderiniń premer-mınıstrleri 2023 jyly Almatyda ótken úkimetaralyq keńeste:
- EAEO-da turaqty ekonomıkalyq damýdy qamtamasyz etý jónindegi usynystardy maquldady;
- elektr energııasyn berýdiń memleketaralyq qyzmetterine qol jetkizý erejelerin bekitti;
- ónerkásip salasyndaǵy memleketaralyq baǵdarlamalar men jobalardy ázirleý, qarjylandyrý jáne iske asyrý máseleleri boıynsha normatıvtik quqyqtyq aktilerge ózgerister engizdi;
- ıntegrasııalanǵan aqparattyq júıeni jáne EAEO sıfrlyq kún tártibin damytý qarastyrdy;
- Indıkatıvti balans jasalatyn taýarlardyń tizimine ózgerister engizdi.
Osy tusta «Eýrazııalyq Agroekspress» birlesken jobasy «Soltústik – Ońtústik» halyqaralyq kólik dálizi boıynsha tasymaldaýdy qamtıtynyn atap ótken jón.
EEK pen TMD Atqarý komıteti yntymaqtastyqty tereńdetý boıynsha 2023-2025 jyldarǵa arnalǵan birlesken is-sharalar josparyna qol qoıdy.
Digital Almaty 2024 forýmynda ne bolady?
1-3 aqpan aralyǵynda ótetin is-sharaǵa 50 myńnan astam qatysýshy men 200-den astam spıker qatysady dep josparlanyp otyr. Olar sıfrlyq úkimet, ındýstrııa, bıznes, ozyq tehnologııalar salalaryndaǵy ózekti máselelerdi talqylaıdy.
