Qazaqstan ulttyq quramasynyń bas bapkeri Nurbol Súleımenov Fransııanyń bas shaharynda 14 shákirtine senim artyp otyr. Solardyń qatarynda Eldos Smetov te bar. Jasyratyny joq, qazir elimizdiń eń ataqty dzıýdoshysynyń jaǵdaıy máz emes. Ol álemdik reıtıngte nebári 35-oryndy qanaǵat tutyp tur. О́zgelerdi aıtpaǵanda, tipten Maǵjan Shamshadın men Nurqanat Serikbaev syndy eki birdeı jerlesimiz Smetovtiń aldyn orap tur. Mine, endi oǵan jaǵdaıdy túzeý úshin tamasha múmkindik týyndap otyr. Eger osy joly da sátsiz óner kórsetse, onda Eldostyń Olımpıadaǵa barýy ekitalaı.
Sondaı-aq atalǵan týrnırde Qazaq eli namysyn Nurqanat Serikbaev (60 kg), Ǵusman Qyrǵyzbaev (66 kg), Eset Qýanov (66 kg), Asqar Narqulov (73 kg), Danııar Shamshaev (73 kg), Abylaıhan Jubanazar (81 kg), Rýslan Musaev (81 kg), Aıdar Arapov (90 kg), Ermahan Ánýarbekov (90 kg), Nurlyhan Sharhan (100 kg), Bekzat Shaǵataev (100 kg), Ǵalymjan Qyryqbaı (+100 kg) jáne Erasyl Qajybaev (+100 kg) syndy balýandar qorǵaıdy.
