Qazaq ánderine kover jasap júrgen káris ánshisi Son Von Sab Shámshi Qaldaıaqovtyń «Ana týraly jyryn» oryndap, tyńdarmandarynyń erekshe yqylasyna ıe boldy.
Ol aranjırovkany áleýmettik jelilerine jarııalap, oqyrmandarynan qalaı shyqqanyn surady.
- Mýzykalyq aranjırovka unaı ma? Men álemdegi barlyq anany jaqsy kóremin, - dedi Son Von Sab.
Ánshi oqyrmandaryn sáýirde Almatyda ótetin konsertinde osy ándi birge shyrqaýǵa shaqyrdy.
Al jeli qoldanýshylary ánshige qazaq tiline kórsetken qurmetine alǵysyn jaýdyryp, pikir jazdy.
«Berilip aıtyp turǵan júregińnen aınalaıyn. Qazaq tiline degen qurmetińe raqmet. Bıikterden kórine ber». «Ándi keremet oryndadyń. Naǵyz talantsyń». «Eń tamasha ánderdiń biri. Bul ándi bilmeıtin qazaq joq shyǵar. Jarasyń, káris bala», «Basqa ult bolsa da maıyn tamyzyp, yrǵaǵyn keltirip aıtady» - dep qazaqstandyqtar pikir jazdy.
Keıbiri qazaq tilin bilmeıtinderge Son Von Sabtan úlgi alý keregin de jazdy.
