«Memleket basshysynyń Jarlyǵymen Erlan Nuralyuly Nysanbaev Qazaqstan Respýblıkasynyń Ekologııa jáne tabıǵı resýrstar mınıstri laýazymyna taǵaıyndaldy», delingen Aqorda baspasóz qyzmeti taratqan aqparatta.Erlan Nuráliuly 1961 jyly Almaty oblysynda dúnıege kelgen. Qazaq aýyl sharýashylyǵy ınstıtýtyn, Abaı atyndaǵy Qazaq Ulttyq pedagogıgalyq ýnıversıtetin támámdaǵan.
Mamandyǵy - orman sharýashylyǵy ınjeneri, qarjy bakalavry. Aýyl sharýashylyǵy ǵylymdarynyń kandıdaty.
Eńbek jolyn 1983 jyly Almaty oblysynda Uıǵyr orman sharýashylyǵynyń sheberi bolyp bastaǵan.
1984-1989 jyldary Uıǵyr aýdandyq komıtetiniń uıymdastyrý bólimi meńgerýshisiniń orynbasary, nusqaýshy, 1989-1991 jyldary Almaty oblystyq komıtetiniń Aýyl sharýashylyǵy bóliminiń sektor meńgerýshisi, 1991-2004 jyldary kommersııalyq uıymdar qurylymynda qyzmet etti.
2004-2009 jyldary «Astana-Zelenstroı» AQ-da basshylyq laýazymdardy atqaryp, 2009 jyly Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy qyzmetine taǵaıyndaldy.
2013-2014 jyldary Qorshaǵan orta jáne sý resýrstary mınıstriniń orynbasary, 2014-2021 jyldary Aýyl sharýashylyǵy mınıstriniń orynbasary, Ekologııa, geologııa jáne tabıǵı resýrstar mınıstriniń orynbasary boldy.
2021 jyldan 2023 jylǵa deıin S.Seıfýllın atyndaǵy Qazaq agrotehnıkalyq ýnıversıtetiniń basqarma tóraǵasynyń strategııalyq damýy jáne halyqaralyq baılanystary boıynsha orynbasary laýazymynda jumys istedi. Taǵaıyndalǵanǵa deıin Astana qalasy ákiminiń keńesshisi qyzmetin atqardy.
«Parasat», «Qurmet» ordenderimen marapattalǵan.
