Halyqaralyq qor qoldaý kórsetti

Baıqaý jumystaryn ba­ǵalaýdaǵy basty shart kitap­hana baǵdarlamalary men qyz­metteriniń zamanaýı úlgide bolýy edi. Dástúrli baıqaýdyń jyl syıaqysy úsh atalym boıynsha berildi: «Internettegi qa­ýip­siz­dik», «Klımattyń ózge­rýine qar­sy qareket» jáne «Májbúrlep kó­shirilgen halyqtyń sandyq úl­gidegi yqpaldasýy».

Al №2 kitaphana bólimshesi «JasylUi» eko-ortalyǵy «Klımattyń ózgerýine qarsy qareket» atalymy boıynsha jeńimpaz atandy. Bul jobanyń ózektiligi – sıfrlyq úlgidegi zamanaýı tehnologııa arqyly qorshaǵan ortany zerttep, zerdeleýdi úıretý arqyly jas urpaqtyń ekologııalyq saýatyn damytý edi. Osy baǵyttaǵy jobany júzege asyrýǵa «Samruk-Kazyna Trust» Qazaqstan qory qoldaý kórsetti. Nátıjesinde, «JasylUi» eko-ortalyǵynda ba­la­larǵa arnalǵan ekozerthana ashylyp, qajetti zamanaýı qural-jabdyqtarmen jabdyqtaldy. Elektrondy mıkroskop, «Jas ekolog» quraldar jı­yntyǵy, aýa, sý, topyraq qu­ramyn zertteıtin qu­raldar, 3D prınter jáne ın­teraktıvti panel­di oqýshylar óz zertteý táji­rıbelerinde paıdalaný múm­kindigine qol jetkizdi. Qazir olar ósimdikti topyraqsyz ósirip (gıdroponıka), tájirıbe júrgizip júr. О́simdikti topyraqsyz avtomatty sýarý tásili arqyly ósirý qural-jabdyǵy tuqymnyń ósip-óný kezeńin jas zertteýshilerdiń muqııat baqylaýyna múmkindik beredi.

Buǵan deıin halyqaralyq baı­qaýda Afrıka, Azııa, Eýro­pa, La­tyn Ame­rıkasy mem­lekette­riniń je­­ńim­pazdary marapattalyp kelse, bıyl Oralhan Bókeı atyndaǵy ki­tap­ha­nanyń №2 bólimshesi ıe boldy.

О́SKEMEN