IT qaýymdastyqtyń qoldaýy

Memorandým qaıyrymdylyqty qoldaý, tájirıbe almasý, promo is-sharalarǵa qatysý jáne qaýym­das­tyqty nyǵaıtý, sondaı-aq áleý­mettik bastamalardy damytýǵa yq­pal etetin basqa da salalardaǵy se­rik­testikti qamtıdy.

– Bul memorandým IT qaýymdas­tyqtyń áleýmettik qıyndyqtardy jeńýge belsendi qatysýǵa degen um­ty­lysyn kórsetedi ári árbir adam jaqsy bolashaqty qurýǵa úles qosa alatyn janashyr qoǵam­das­tyqty qalyptastyrýǵa shaqy­rady. Bul yntymaqtastyq basqa uıymdarǵa úlgi bolyp, olardy qaıy­rymdylyq bastamalarǵa qosylýǵa shaqyryp, áleýmettik damýǵa oń yqpal etetinine senimdimin. «Astana Hub»-pen yntymaqtastyq týraly me­morandýmǵa qol qoıý arqyly biz pales­tınalyq balalarǵa gý­manıtarlyq jáne medısınalyq kómek jınaý jumysyn bastaımyz ári meıirimdi jandardyń bar­lyǵyn osy ıgi bastamaǵa qosylýǵa shaqyramyz, – dedi «Biz Birgemiz Qazaqstan» qoǵamdyq qorynyń prezıdenti Perızat Qaırat.

Tehnoparktiń gýmanıtarlyq jáne áleýmettik jobalardy júzege asy­rý baǵytynda tájirıbesi bar. «Biz elimizde jáne odan tys jer­lerde qa­ıyrymdylyq basta­mala­ryna bel­sendi atsalysamyz. IT qaýym­dastyq jaǵdaıy tómen otbasylardyń balalaryna, tabıǵı apattardan zardap shekken otandastarǵa qoldaý kórsetedi, Ýkraına mektepteri men ba­labaq­shalaryn qalpyna keltirýge jáne jab­dyqtaýǵa qatysady. Áleý­mettik ja­ýapkershilikti jumy­sy­myzdyń ajyramas bóligi dep sanaımyz ári muqtaj jandarǵa kó­mek­tesýge baǵyttalǵan túrli qaıy­rymdylyq jo­balaryn qoldaý­dy jalǵastyramyz. Bul joly da shet qalmaı, palestınalyq bala­larǵa kómektesý bastamasyn qol­daı­tynymyzdy bildiremiz jáne buǵan úlesimizdi qosýǵa daıynbyz», dedi «Astana Hub» bas dırektory Maǵjan Mádıev.

Aıta ketý kerek, 2021 jyly qu­rylǵan «Biz Birgemiz Qazaqstan» qory qaıyrymdylyq kómek kór­setedi, tótenshe jaǵdaılar ke­zin­degi volonterlik is-sharalar men ha­lyqaralyq jobalarǵa qaty­sady jáne túrli is-sharalardy uıym­dastyrý arqyly áleýmettik bastamalardy qoldaıdy.