foto: vıdeodan skrınshot
Muǵalim oqýshyǵa eki paraq alýdy buıyrǵan. Biraq oqýshy qolynda ondaı paraqtardyń joq ekenin jetkizdi. «Sen meni túsinbediń be? Qos paraq alasyń ba, joq pa?», degen muǵalim oqýshyǵa aıqaılap, qol kóterdi.
Oblystyq bilim basqarmasy bul oqıǵa boıynsha polısııanyń tergeý júrgizip jatqanyn habarlady. Muǵalimge qatań sógis jarııalandy.
Polısııa departamentiniń baspasóz qyzmeti oqıǵanyń 25 qańtarda bolǵanyn atap ótti. Tártip saqshylaryna 43 jastaǵy balanyń ákesi Qosózen aýylynan habarlasqan.
«Atalǵan faktini ýchaskelik polısııa qyzmetkeri tirkep, ustazǵa qatysty ákimshilik hattama toltyryldy. Sondaı-aq kámeletke tolmaǵan balanyń ata-anasynyń ýájderi negizinde sońǵy prosessýaldyq sheshim qabyldaý úshin saraptama taǵaıyndaldy», dep túsindirdi vedomstvo ókilderi.
Al jeli qoldanýshylary vıdeoǵa qatysty túrli pikirler qaldyryp jatyr. Keıbireýler muǵalimdi mundaı hálge jetkizgen balanyń ózi kináli dep sanasa, keıbireýleri nendeı jaǵdaı bolsa da ustaz ózin-ózi baqylaýda ustap turýy qajet ekenin aıtty.
