Foto: t.me/bort_01
Byltyr qarasha aıynda Memleket basshysynyń shaqyrýymen Astanaǵa saparmen kelgen Fransııa Prezıdenti «Etnoaýyl» kórmesin aralap kórip, qazaq halqynyń baı mádenı murasymen tanysqan edi. Kórme ortalyǵyn tamashalaý barysynda Emmanıýel Makronǵa qazaqy tazynyń tuqymy erekshe unaǵan bolatyn. Sol kezde Qasym-Jomart Toqaev fransııalyq áriptesine tazy syılaýǵa ýáde bergen-tin. Keıin Parıjge qazaqy tazynyń bes aılyq eki kúshigi jetkizildi.
Qos tazyny fransýz veterınarlary tekserip, ýaqytsha karantınge jiberdi. Sondaı-aq Fransııa tarapyna kúshikterdi tamaqtandyrý jáne úıretý jónindegi nusqaýlyq berildi. Tazy kúshikterine Jıýl jáne Janna degen jarasymdy esim berilgeni málim boldy. Kúshikter Makron otbasynyń Nemo esimdi qara labradorymen «dostasyp» úlgergen. Aıtpaqshy, bul ıtti erli-zaıypty Makrondar 2017 jyly janýarlar panalaıtyn jerden asyrap alǵan bolatyn.
