banket.kz
«Nurly jan» (NURLY ZHAN) ıýtýb arnasyna suhbat bergen akter 2007 jyly ákesiniń úıden ketip, áli oralmaǵanyn aıtty.
«Otbasynda eki aǵaıyndymyz, ózimnen keıin qaryndasym bar. 2007 jyly ákemiz esh sebepsiz úıden ketip oralmady. Qaryndasymnyń úıine baryp tildeı qaǵazǵa «Bárińe razymyn» dep jazyp ketken eken. Basqa esh derek-dáıek joq. Qazaqstannyń barlyq aımaǵyn sharlap izdedim, birneshe aı kóshe kezgen úısiz jandardyń da qasynda bolyp, ákem týraly qandaı da bir habar shyǵyp qala ma dep surastyrdym, esh qaıran bolmady. Úmitim zor, ákem osy suhbatymdy kórip, bolmasa estise oralsa eken deımin. Ákeniń orny bólek qashanda, asqar taýyńdy árqashan qurmetteý kerek, oǵan qarsy sóz aıtýǵa bolmaıdy. Keıingi jastar osyny uǵynsa eken deımin. Ákem taksı qyzmetin atqaryp, jınaǵan aqshasymen meni joǵary oqý ornynda oqytty. О́zi bala kúninen joqshylyqtyń zardabyn tartqan, syrqat anasyn ózi baǵyp-qaǵyp jetkizgen kisi. Ákem Ahmetov Kámbil Bolatuly týraly qandaı da bir aqparat biletinder bolsa, habarlassa eken. Úıde bes nemeresi, qudaı qosqan qosaǵy anamyz, ul-qyzy, kelini kútip otyr. Buǵan deıin ákem jaıynda bulaı kópke jarııa etip aıtpap edim», degen akter ákesiniń tabylatynyna senimdi ekenin jetkizdi.
