Foto: Kazsporttv
Kazsporttv baspasóz qyzmetiniń málim etýinshe, Parıj qalasynda ótetin Olımpıada júldeleriniń erekshe tusy – árbir medalǵa Eıfel munarasynyń bóligi qosylǵan.
Pishini altyburyshty bóliktiń ortasyna Jazǵy Olımpıada oıyndarynyń logotıpi bederlengen. Bóliktiń altyburysh bolý sebebi Fransııa kartasy altyburysh jáne beıresmı túrde bul eldi geksagon dep ataıdy (latynsha, geksa - alty).
Parıj Jazǵy Olımpıadasy 26 shilde - 11 tamyz aralyǵynda ótip, sporttyń 32 túrinen 329 júldeler jıyntyǵy sarapqa salynady.
Ázirge Qazaqstan quramasynda sporttyń 11 túri boıynsha 19 olımpıadalyq joldama bar.
