Sýretti túsirgen – avtor
Elimizdiń eń alǵashqy kásibı sýretshileri ótken ǵasyrdyń 60-70 jyldary beıneleý óneri mektebiniń qalyptasýy kezinde shynaıy sosıalıstik jáne zamanaýı avangardtyq baǵytta jumys istegenin bilemiz. Demek, mundaǵy ár týyndy qundy mura. Ásirese, halyq sýretshisi Ábilhan Qasteevtiń 1969 jyly akvarel boıaýymen jazǵan «Esik kóli» peızajy mýzeıdiń eń qundy jádigeri. Sýretshi á dep qolyna qylqalam alǵanda-aq, peızaj janry men akvarel tehnıkasyna den qoıǵan. Sonymen qatar qazaq qyzdarynyń arasynan tuńǵysh shyqqan sýretshi Aısha Ǵalymbaevanyń sýyq, jyly tústerdi úılestire jazǵan natıýrmortyna kópshilik tańdaı qaǵa uzaq qarasty.
Zalǵa aınaldyra qoıylǵan kartınalardyń qaı-qaısysyna qarasańyz da, sonaý zamannyń rýhyn sezindiredi. О́nerdi túsingen, túısingen jandy beıne bir alpysynshy jyldarǵa jetelep áketetindeı áseri bar. KSRO Halyq sýretshisi Gúlfaırýs Ismaılovanyń «Alma» atty áıel portretine qarańyz. Sol zamandaǵy qazaq áıelderiniń búkil minez-bolmysyn bir ǵana áıeldiń portretimen bere bilgendeı. Jalpy, oblystyq О́ner mýzeıiniń qorynda G.Ismaılovanyń úsh týyndysy saqtalǵan. Sondaı-aq esigin aıqara ashqan «Ýaqyt palıtrasy» atty kórmege beıneleý óneri salasynda oıyp turyp oryn alatyn qylqalam sheberleri Salıhıtdın Aıtbaev, Shaımardan Sarıev, Bahtııar Tabıev, Maǵaýııa Amanjolov, Bekseıit Túlkıev, Erbolat Tólepbaev syndy sýretshilerdiń de baǵa jetpes jumystary qoıyldy.
Shyǵys Qazaqstan oblysy
