Foto: inbusiness.kz
2023 jyly astyq egetin óńirlerdiń aýyl sharýashylyǵy taýaryn óndirýshileri qolaısyz aýa raıynan zardap shekti. Bul jaǵdaı birinshi kezekte olardyń qaryzdaryn óteý múmkindigine áser etti.
Agroónerkásip keshenderin qarjylandyrýda «Agrarlyq nesıe korporasııasy» AQ jáne «QazAgroQarjy» AQ qarjy ınstıtýttary aıtarlyqtaı úleske ıe. Agrosektordyń kredıttik portfelindegi Agrarlyq nesıe korporasııasy men «QazAgroQarjy» úlesi 77 paıyzdan asady, sharýalardyń shamamen 28% paıyzy agrarlyq maqsatta nesıe alǵan.
Memleket basshysynyń sharýalardy qoldaý jónindegi tapsyrmasyn oryndaý aıasynda 50 mlrd teńge nesıeni uzartý ótinimderi maquldandy.
Aıdarbek Saparov Agrarlyq nesıe korporasııasy men «QazAgroQarjyǵa» egin egý jumystaryna jeńildikpen nesıe berý kezinde qoldaý men erekshe nazar aýdarýdy qajet etetin shaǵyn kásipkerlik nysandaryn qarjylandyrý máselesine basa nazar aýdarý kerek ekenin aıtty. Sonymen qatar mınıstr sharýalardyń qaryzdaryn uzartý boıynsha da birqatar tapsyrma júktedi.
