Sýret: oblystyq polısııa departementiniń baspasóz qyzmeti
Polısııa departamenti baspasóz qyzmetiniń habarlaýynsha, qylmystyq toptyń quramynda birneshe adam bolǵan. Qylmystyq top músheleri múddelilerdiń oqýǵa tıis sabaqtaryn jáne kólik basqarý múmkindigin tájirıbe júzinde teksermegen. Qarjylaı syıaqy úshin júrgizýshi kýáligin shúlen taratqandaı zańsyz úlestirýmen uzaq ýaqyt boıy aınalysyp kelgen.
Derekke sensek, qylmystyq toptyń quramyna HQKO qyzmetkerlerinen bólek, joǵaryda aıtylǵan óńirlerden júrgizýshi kýáligin alýǵa nıet bildirgen tutynýshylardy izdestirgen arnaıy «kómekshiler» bar. Eń soraqysy qujattar Taraz qalasynda ornalasqan halyqqa qyzmet kórsetý ortalyǵynda rásimdelip, zańsyz ıelerin tapqan.
«Tirkelgen qylmystyq is boıynsha tergeý áreketteri júrgizilip jatqanyn aıta ketken jón. Qazirgi ýaqytta júrgizýshi kýáligin zańsyz berýdiń 35 deregi anyqtaldy. Qylmystyq júıeni uıymdastyrýshylar men oryndaýshylar ýaqytsha ustaý ızolıatoryna qamaqqa alyndy», deıdi oblystyq polısııa departamenti bastyǵynyń orynbasary Almaz Almatov.
